രജനികാന്തിന്റെ 2.0ത്തിന്റെ ട്രെയിലര്‍ എത്തുന്നു!

ആകാംക്ഷയോടുള്ള കാത്തിരിപ്പുകള്‍ക്ക് ഒടുവില്‍ രജനികാന്തിന്റെ 2.0ത്തിന്റെ ട്രെയിലര്‍ എത്തുന്നു. ഷങ്കര്‍ സംവിധാനം ചെയ്യുന്ന ചിത്രത്തിന്റെ ട്രെയിലര്‍ അടുത്തമാസം മുന്നിന് ആണ് പുറത്തുവിടുക.

ചിത്രത്തിന്റെ മെയ്ക്കിംഗ് വീഡിയോ നേരത്തെ പുറത്തുവിട്ടിരുന്നു.മൂവായിരത്തോളം സാങ്കേതിക പ്രവര്‍ത്തകര്‍ ചിത്രത്തിനായി പ്രവര്‍ത്തിച്ചിട്ടുണ്ടെന്നാണ് വീഡിയോയില്‍ പറയുന്നത്. ഇതില്‍ 1000 വിഎഫ്‍എക്സ് ആര്‍ടിസ്റ്റുകളും ഉള്‍പ്പെടും. 540 കോടി രൂപയാണ് ചിത്രത്തിന്റെ ബജറ്റ്. എമി ജാക്സണാണ് ചിത്രത്തിലെ നായികയായി എത്തുന്നത്. അക്ഷയ് കുമാര്‍ വില്ലൻ വേഷത്തില്‍ എത്തുന്നു. എ ആര്‍ റഹ്‍മാനാണ് സംഗീതസംവിധാനം നിര്‍വഹിച്ചിരിക്കുന്നത്.