'സെക്സി ദുര്‍ഗ' നായികയുടെ രംഗങ്ങള്‍ പോണ്‍സൈറ്റില്‍;  രാജശ്രീ പ്രതികരിക്കുന്നു

വ്യത്യസ്ത പ്രമേയം കൊണ്ട് ശ്രദ്ധേയമാണ് അനുരാഗ് കാശ്യപ്, വിക്രമാദിത്യ മോഡ്വാനി എന്നിവര്‍ സംവിധാനം ചെയ്ത സേക്രഡ് ഗെയിം എന്ന വെബ് സീരിസ്

മുംബൈ: വ്യത്യസ്ത പ്രമേയം കൊണ്ട് ശ്രദ്ധേയമാണ് അനുരാഗ് കാശ്യപ്, വിക്രമാദിത്യ മോഡ്വാനി എന്നിവര്‍ സംവിധാനം ചെയ്ത സേക്രഡ് ഗെയിം എന്ന വെബ് സീരിസ്. ഇന്ത്യയിലെ ആദ്യ ഇന്‍റര്‍നാഷണല്‍ സീരിസ് ശ്രമം എന്നാണ് നിരൂപകര്‍ ഇതിനെ വിശേഷിപ്പിക്കുന്നത്. വിക്രം ചന്ദയുടെ നോവല്‍ അടിസ്ഥാനമാക്കിയാണ് ഈ സീരിസ് തയ്യാറാക്കിയിരിക്കുന്നത് ലോക പ്രശസ്ത വീഡിയോ സ്ട്രീമിംഗ് പ്ലാറ്റ്ഫോം നെറ്റ് ഫ്ലിക്സാണ് ഇത് പ്രേക്ഷകരില്‍ എത്തിക്കുന്നത്.

ചിത്രത്തിലെ ലൈംഗിക രംഗങ്ങള്‍ ഇതിനകം ചര്‍ച്ചയായിരിക്കുകയാണ്. ഇപ്പോള്‍ ഇതാ ചിത്രത്തിലെ  നവാസുദ്ദീൻ സിദ്ദീഖിയും രാജശ്രീ ദേശ്പാണ്ഡെയുടെയും പ്രണയരംഗങ്ങള്‍ പോണ്‍ സൈറ്റുകളില്‍ എത്തിയിരിക്കുന്നു. ചിത്രത്തില്‍ നവാസുദ്ദീൻ സിദ്ദീഖിയുടെ ഭാര്യയായി രാജശ്രീ ടോപ്പ്ലെസായുള്ള കിടപ്പറ രംഗങ്ങളില്‍ അഭിനയിച്ചിരുന്നു. ഈ രംഗങ്ങളാണ് ഇപ്പോൾ ചോർന്ന് അശ്ലീല വെബ്സൈറ്റുകളിൽ എത്തിയത്.

സിനിമയിലെ ആ രംഗങ്ങളില്‍ അഭിയിക്കുമ്പോള്‍ തനിക്കു ഭയം തോന്നിരുന്നില്ലെന്നു രാജശ്രീ പറയുന്നു. എന്നാല്‍ ഈ രംഗങ്ങള്‍ പോണ്‍ സൈറ്റുകളില്‍ പ്രത്യക്ഷപ്പെട്ടതോടെ ഒരു പോണ്‍താരത്തോട് സംസാരിക്കുന്നതരത്തില്‍ ആളുകൾ മോശം ചാറ്റിംഗ് ചിലര്‍ ആവശ്യപ്പെടാന്‍ തുടങ്ങിയെന്ന് ഒരു അഭിമുഖത്തില്‍ രാജശ്രീ തുറന്ന് പറയുന്നു.

ടോപ്പ്‌ലെസ്സാവുക എന്നത് ബുദ്ധിമുട്ടുള്ള കാര്യമായിരുന്നു. എന്നാലും ഞാന്‍ അതു ചെയ്തു. എന്നാല്‍ ആ രംഗങ്ങള്‍ വാട്​സ്ആപ്പ്  വഴി പ്രചരിച്ചു. മംഗല്യസൂത്രം ധരിച്ച ഇന്ത്യയിലെ ചൂടന്‍നായിക എന്ന രീതിയിലായിരുന്നു വാട്ട്‌സാപ്പില്‍ രംഗങ്ങൾ  പ്രചരിച്ചത്. ഇതിനുശേഷം ഞാന്‍ ഒരു പോണ്‍സ്റ്റാര്‍ ആണെന്നതരത്തില്‍ സന്ദേശങ്ങള്‍ ലഭിച്ചു തുടങ്ങി. ഈ സാഹചര്യത്തില്‍ ഞാന്‍ എന്തു ചെയ്യും. ചില കമന്റുകള്‍ അങ്ങേയറ്റം മോശമായിരുന്നു.  

ഞാന്‍ അനുരാഗ് കശ്യപില്‍ വിശ്വസിച്ചു. ഞാന്‍ കംഫര്‍ട്ടബിളല്ലെങ്കില്‍ ആ രംഗവുമായി മുന്നോട്ട് പോകില്ലെന്ന് അദ്ദേഹം പറഞ്ഞിരുന്നു. എന്നാല്‍ അത് ഒരു ജോലിയായി മുമ്പില്‍ എത്തിയപ്പോള്‍ ടോപ്‌ലെസായി അഭിനയിക്കുന്നതില്‍ എനിക്ക് ബുദ്ധിമുട്ടൊന്നും തോന്നിരുന്നില്ല. സിനിമ എന്‍റെ പാഷനാണ്. ഞാന്‍ മുമ്പ് ഒരു ചിത്രത്തില്‍ നഗ്നയായി അഭിനയിച്ചിട്ടുണ്ട്.  

ചിത്രത്തില്‍ എന്‍റെ കഥാപാത്രം ആദ്യമായി ഒരു പുരുഷനു മുന്നിൽ നഗ്നായാവുകയാണ്. പിന്നീട് അയാളോടുള്ള വെറുപ്പ് സ്‌നേഹമായി മാറുന്നു.  

ഞാന്‍ നഗ്നയായി അഭിനയിക്കുന്നതില്‍ ഭര്‍ത്താവിനു പ്രശ്‌നം ഉണ്ടായിരുന്നില്ല. അദ്ദേഹം എനിക്കു പൂര്‍ണപിന്തുണ നല്‍കുന്നു. അദ്ദേഹം പറയുന്നത് നീ നിന്‍റെ ആത്മാവാണ് നല്‍കുന്നത്, വേണമെങ്കിൽ അതിനായി നിനക്ക് നഗ്നയായിട്ടും അഭിനയിക്കാം. കഥാപാത്രം ആവശ്യപ്പെട്ടാല്‍ അത് അങ്ങനെ തന്നെ ചെയ്യുക. .

മലയാള ചിത്രം സെക്‌സി ദുര്‍ഗയിലും രാജശ്രീ പ്രധാനവേഷത്തില്‍ അഭിനയിച്ചിട്ടുണ്ട്.