നാഗാര്‍ജ്ജുനയുടെ മകന്‍റെ കല്ല്യാണം മുടങ്ങിയതിന്‍റെ കാരണം

ഹൈദരാബാദ്: താര രാജ കുടുംബമായ അക്കിനേനി കുടുംബത്തില്‍ നിന്നും അടുത്തിടെ വന്ന വാര്‍ത്ത ഏറെ ചര്‍ച്ചയായിരുന്നു. നാഗാര്‍ജ്ജുനയുടേയും അമലയുടേയും ഇളയ മകന്‍ അഖിലും ഡിസൈനര്‍ ശ്രേയ ഭൂപാലുമായുള്ള വിവാഹ നിശ്ചയത്തിന് പിന്നാലെ മുടങ്ങിയെന്നായിരുന്നു റിപ്പോര്‍ട്ട്.  വിവാഹത്തിന് താല്‍പ്പര്യമില്ലെന്ന് അഖിലും ശ്രേയയും വീട്ടുകാരെ അറിയിക്കുകയായിരുന്നു എന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്തത്.

മെയില്‍ ഇറ്റലിയില്‍ 700 പേര്‍ പങ്കെടുക്കുന്ന വിവാഹ ചടങ്ങാണ് ഒരുക്കിയിരുന്നത്. ക്ഷണിക്കപ്പെട്ടവരോട് ടിക്കറ്റ് കാന്‍സല്‍ ചെയ്യാന്‍ താരകുടുംബം അറിയിച്ചു. ബിസ്സിനസ്സ് ഭീമന്‍ ജിവികെ റെഡ്ഡിയുടെ കൊച്ചു മകളാണ് ശ്രേയ. എന്നാല്‍ വിവാഹം മുടങ്ങാനുള്ള കാരണം  അഖിലാണ് എന്നാണ് പുതിയ റിപ്പോര്‍ട്ട്. 

സൗത്ത് ഫിലിം ഫെയറിന്‍റെ ഡിസൈനറാണ് ശ്രേയ. രണ്ടു വര്‍ഷം മുന്‍പാണ് അഖിലും ശ്രേയയും പരിചയപ്പെട്ടത്. അതിനു ശേഷം ഡേറ്റിങിലായിരുന്ന ഇവര്‍ വിവാഹം കഴിക്കണമെന്ന ആവശ്യം കഴിഞ്ഞ വര്‍ഷം വീട്ടുകാരെ അറിയിക്കുകയായിരുന്നു. എന്നാല്‍ പെട്ടെന്ന് തനിക്ക് വിവാഹപ്രയം ആയില്ലെന്ന് അഖിലിന് തോന്നി പോലും. വിവാഹത്തില്‍ നിന്നും പിന്‍മാറുകയാണെന്ന് ശ്രേയയെ അറിയിച്ചുവെന്നാണ് റിപ്പോര്‍ട്ട്. നാഗാര്‍ജ്ജുന വിവാഹം നടത്താന്‍ പല ശ്രമങ്ങള്‍ നടത്തിയെങ്കിലും നടന്നില്ലെന്നാണ് റിപ്പോര്‍ട്ട്.

കഴിഞ്ഞ ആഴ്ച വരെ എല്ലാം സ്വാഭാവികമായിരുന്നുവെന്നും, എന്നാല്‍ കഴിഞ്ഞ ദിവസം വിവാഹത്തില്‍ നിന്ന് പിന്മാറുകയാണെന്ന് വീട്ടുകാരെ അറിയിക്കുകയായിരുന്നെന്നും അക്കിനേനി കുടുംബത്തിന്‍റെ വക്താവ് അറിയിച്ചു.