"താൻ വിശുദ്ധൻ ഒന്നുമല്ല"; സ്ത്രീകളെ അധിക്ഷേപിച്ച് വീണ്ടും ഋഷി കപൂറിന്‍റെ ട്വീറ്റ്

ട്വിറ്ററിൽ പ്രകോപനപരമായ ട്വീറ്റ്​ നടത്തിയതിന്​ മുതിർന്ന ഹിന്ദി സിനിമാ താരം ഋഷി കപൂർ വീണ്ടും വിമർശന ശരങ്ങൾക്കിടയിൽ. ഏറ്റവും ഒടുവിൽ ഡയറക്​ട്​ മെസഞ്ചർ വഴി ഒരു സ്​ത്രീയെ അധിക്ഷേപിച്ചാണ്​ 65കാരനായ താരം കുഴപ്പത്തിലായത്​.  തന്നെ ട്രോളിയ സ്ത്രീയെ ട്വിറ്ററിലൂടെ അസഭ്യം പറയുകയാണ് ഋഷി കപൂര്‍ ചെയ്തത്.   ഇതി​ന്‍റെ സ്​ക്രീൻ ഷോട്ട്​ സാമൂഹിക മാധ്യമങ്ങളിൽ പരക്കുകയും ചെയ്​തു. ആക്ഷേപകരമായ സന്ദേശത്തിന്​ ഋഷികപൂറിനെതിരെ സാമൂഹിക മാധ്യമങ്ങളിൽ വൻ പ്രതികരണവുമുണ്ടായ സാഹചര്യത്തിലാണ് വീണ്ടും ഋഷി കപൂർ സ്ത്രീകളെ അധിക്ഷേപിക്കുന്ന തരത്തില്‍ മറ്റൊരു ട്വീറ്റ് കൂടി ചെയ്തത്.

വിവിധ നിറങ്ങളിലുള്ള വസ്​ത്രം ധരിച്ച സ്​ത്രീയുടെ ചിത്രവും അതേ നിറത്തിലുളള ഡസ്റ്ററും പോസ്റ്റ് ചെയ്ത് 'അസംബന്ധം' എന്ന്​ തുടങ്ങുന്ന ട്വീറ്റ്​ നടത്തിയാണ് ഋഷി കപൂര്‍ വീണ്ടും വിമര്‍ശനങ്ങള്‍ ഏറ്റുവാങ്ങുന്നത്. എന്നെ അധിക്ഷേപിച്ചാൽ അതെ ഭാഷയിൽ പ്രതികരിക്കാതിരിക്കാൻ താൻ വിശുദ്ധൻ ഒന്നുമല്ല, പകരത്തിന്​ പകരം എന്ന രീതിയിൽ ആയിരുന്നു  ട്വീറ്റ്​.