ആമീർ ഖാൻ്റെ സീക്രട്ട് സൂപ്പർസ്റ്റാറിലെ ആദ്യ ഗാനം പുറത്തിറങ്ങി; വീഡിയോ കാണാം

ബോളിവുഡ് സൂപ്പർസ്റ്റാർ ആമീർ ഖാൻ്റെ 'സീക്രട്ട് സൂപ്പർസ്റ്റാർ' എന്ന ചിത്രത്തിലെ ആദ്യ ഗാനം പുറത്തിറങ്ങി. ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന സൈറ വസീം നിറഞ്ഞുനിൽക്കുന്ന ഗാനം ഇതിനോടകം തന്നെ സോഷ്യൽ മീഡിയയിൽ വൈറലായി മാറി. 

സംഗീതം സ്വപ്നം കണ്ട് ജീവിക്കുന്ന ഇൻസു എന്ന പെൺകുട്ടിയുടെ വേഷമാണ്  സൈറയുടേത്. ശക്തി എന്ന സംഗീത സംവിധായകനായാണ് ആമീർ ഖാൻ എത്തുന്നത്. തൻ്റെ സ്വപ്നം സാക്ഷാത്കരിക്കാൻ ഇൻസു നടത്തുന്ന പോരാട്ടങ്ങളാണ് ചിത്രത്തിൻ്റെ പ്രമേയം. ചിത്രത്തിലെ പ്രധാന ഗാനമായ "മേം കോൻ ഹും.." എന്ന് തുടങ്ങുന്ന ഗാനമാണ് പുറത്തിറങ്ങിയിരിക്കുന്നത്. അമിത് ത്രിവേദിയാണ് സംഗീതം.  16 വയസ്സുകാരിയായ മേഘ്ന മിശ്രയാണ് ഗാനം ആലപിച്ചിരിക്കുന്നത്. അദ്വൈത് ചന്ദൻ സംവിധാനം ചെയ്യുന്ന ചിത്രം നിർമ്മിച്ചിരിക്കുന്നതും ആമീർ ഖാൻ തന്നെയാണ്. ഒക്ടോബർ 19 ന് ചിത്രം പുറത്തിറങ്ങും.