ഹാക്ക് ചെയ്യപ്പെട്ട ഷാഹിദ് കപൂറിന്റെ ട്വിറ്ററില് നിന്നും കത്രീനക്ക് ഒരു 'ഐ ലവ് യു'
Synopsis
ജനുവരിയില് പുറത്തിറങ്ങിയ ഷാഹിദിന്റെ പദ്മാവതിലെ അലാവുദ്ദീന് ഖില്ജിയുടെ കഥാപാത്രത്തെ വിമര്ശിച്ചുള്ള ട്വീറ്റുമുണ്ട് ഇക്കൂട്ടത്തില്. തുര്ക്കിഷ് ഭാഷയിലാണ് ട്വീറ്റുകള് പോസ്റ്റ് ചെയ്തിരിക്കുന്നത്.
മുംബൈ: പ്രശസ്തരായ പലരുടെയും സാമൂഹ്യമാധ്യമങ്ങള് ഹാക്ക് ചെയ്യപ്പെടുന്നത് ആദ്യമായല്ല, ഏറ്റവും ഒടുവിലായി ബോളിവുഡ് നടന് ഷാഹിദ് കപൂറിനാണ് ഹാക്കര്മാരില് നിന്നും വന് പണി കിട്ടിയത്. തുര്ക്കിയില് നിന്നുള്ള ഒരു സംഘം ഹാക്കര്മാര് ഷാഹിദിന്റെ ട്വിറ്റര് ഹാക്ക് ചെയ്യുകയും നിരവധി ട്വീറ്റുകള് പോസ്റ്റ് ചെയ്യുകയുമായിരുന്നു. ജനുവരിയില് പുറത്തിറങ്ങിയ ഷാഹിദിന്റെ പദ്മാവതിലെ അലാവുദ്ദീന് ഖില്ജിയുടെ കഥാപാത്രത്തെ വിമര്ശിച്ചുള്ള ട്വീറ്റുമുണ്ട് ഇക്കൂട്ടത്തില്. തുര്ക്കിഷ് ഭാഷയിലാണ് ട്വീറ്റുകള് പോസ്റ്റ് ചെയ്തിരിക്കുന്നത്.
കത്രീന കൈഫിന്റെ 'എക് താ ടൈഗര്' എന്ന ചിത്രത്തിലെ 'മാഷഅള്ള' എന്ന ഗാനം ഐ ലവ് യു കത്രീന എന്ന തലക്കെട്ടോടെയും ഹാക്കര്മാര് പോസ്റ്റ് ചെയ്തിട്ടുണ്ട്.ഇന്സ്റ്റാഗ്രാമിലൂടെയാണ് തന്റെ അക്കൗണ്ടുകള് ഹാക്ക് ചെയ്യപ്പെട്ട വിവരം പ്രേക്ഷകരെ ഷാഹിദ് അറിയിച്ചത്. തന്റെ ട്വിറ്റര് ഹാക്ക് ചെയ്യപ്പെട്ടതിനാല് തനിക്ക് സന്ദേശങ്ങള് അയക്കരുതെന്നും ഷാഹിദ് ആവശ്യപ്പെട്ടിട്ടുണ്ട്. ഏകദേശം 20 ഓളം ട്വീറ്റുകള് ഹാക്കര്മാര് പോസ്റ്റ് ചെയ്തതിന് പിന്നാലെയാണ് ട്വിറ്റര് വീണ്ടെടുത്തത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ