സുഗീതിന്റെ കിനാവള്ളി തിയേറ്ററിലേക്ക്, ചിരിപ്പിക്കും പേടിപ്പിക്കും! വീഡിയോ
Synopsis
ചിത്രം 27ന് തീയേറ്ററുകളില് എത്തും
ഓര്ഡിനറി എന്ന ഒറ്റച്ചിത്രത്തിലൂടെ തന്നെ സൂപ്പര് ഹിറ്റ് സംവിധായകനായി മാറിയ സുഗീത് സംവിധാനം ചെയ്യുന്ന പുതിയ സിനിമയാണ് കിനാവള്ളി. ചിത്രം 27ന് തീയേറ്ററുകളില് എത്തും. ഹ്യൂമറും ഹൊററും കലര്ത്തിയ ഒരു ക്ലീന് എന്റര്ടെയ്നറായിട്ടാണ് ചിത്രം ഒരുക്കിയിരിക്കുന്നത്. അടുത്ത സുഹൃത്തുക്കളായ ആറുപേരെ കേന്ദ്രീകരിച്ചുകൊണ്ടാണ് സിനിമ പുരോഗമിക്കുന്നത്. പുതുമുഖങ്ങളാണ് ഇവരെ അവതരിപ്പിക്കുന്നത്. ചിത്രത്തിന് ക്ലീൻ യു സര്ട്ടിഫിക്കറ്റാണ് ലഭിച്ചിരിക്കുന്നത്. ചിത്രത്തിലെ ഗാനങ്ങൾ ഇതിനോടകം തന്നെ യൂട്യൂബ് ഹിറ്റാണ്.
കണ്ണന്താനം ഫിലിംസിന്റെ ബാനറില് മനേഷ് തോമസാണ് ചിത്രം നിര്മ്മിക്കുന്നത്. ശ്യാം ശീതള്, വിഷ്ണു രാമചന്ദ്രന് എന്നിവരുടെതാണ് തിരക്കഥ. നിഷാദ് അഹമ്മദ്, രാജീവ്നായര് എന്നിവരുടെ ഗാനങ്ങള്ക്ക് ശാശ്വത് ഈണം പകരുന്നു. വിവേക് മേനോന് ഛായാഗ്രഹണവും നവീന് വിജയ് എഡിറ്റിങും നിര്വഹിക്കുന്നു.
കലാസംവിധാനം ഡാനി മുനരിസ്, അസോസിയേറ്റ് ഡയറക്ടര് സൂര്യന് കുനിശ്ശേരി, പ്രൊഡക്ഷന് കണ്ട്രോളര് വിനോദ് ശേഖര്. ക്രിയേറ്റീവ് കോണ്ട്രിബ്യൂട്ടര് സരിതാ സുശീല്. കുമളി, പീരുമേട്, കൊച്ചി,ബെംഗളൂരു, ദുബായ് എന്നിവിടങ്ങളിലായിട്ടാണ് ചിത്രീകരണം പൂര്ത്തിയായിരിക്കുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ