ടൊവിനോ ഫേസ്ബുക്ക് വാങ്ങി!

കൊച്ചി: ഫേസ്ബുക്കില്‍ ഇനി ടൊവിനോ തോമസിനെ അക്രമിക്കാമെന്ന് ആരും കരുതേണ്ട. കാരണം ടൊവിനോ ഫേസ്ബുക്ക് വാങ്ങി. ഇത് മറ്റാരും പറഞ്ഞതല്ല, താരം തന്നെ തന്റെ ഫേസ്ബുക്കില്‍ പോസ്റ്റ് ചെയ്തതാണ്. ഫേസ്ബുക്ക് എന്ന് കവറില്‍ പ്രിന്റ് ചെയ്ത സ്പൈറല്‍ ബൈന്‍ഡ് നോട്ട് പുസ്തകത്തിനൊപ്പം പോസ്റ്റ് ചെയ്ത ചിത്രത്തിലൂടെയാണ് താരം തമാശ പങ്കിട്ടത്. കട്ട ചളി അലേര്‍ട്ട് എന്ന മുന്നറിയിപ്പോടെയാണ് താരം ചിത്രം പോസ്റ്റ് ചെയ്തിരിക്കുന്നത്.

ടൊവിനോ നായകനായ മെക്സിക്കന്‍ അപാരത തിയറ്ററില്‍ തകര്‍ത്തോടുന്നതിനിടെയാണ് ഫേസ്ബുക്കിലൂടെ താരത്തിന്റെ കട്ട ചളി അലേര്‍ട്ട്. മമ്മൂട്ടി, പൃഥ്വിരാജ്, ദുല്‍ഖര്‍ സല്‍മാന്‍ എന്നിവരുടെ ചിത്രങ്ങളുടെ ആദ്യ ദിന കളക്ഷനെ പിന്തള്ളി മെക്സിക്കന്‍ അപാരത റെക്കോര്‍ഡിട്ടിരുന്നു. ചിത്രത്തിന്റെ വിജയത്തോടെ മലയാളത്തിന്റെ യുവനായക നിരയില്‍ ശക്തമായ സാന്നിധ്യമാവാനും യുവതാരത്തിനായി.