കോലിയും അനുഷ്‌കയും രാജ്യസ്‌നേഹികളല്ലെന്ന് ബിജെപി നേതാവ്

ഭോപ്പാല്‍: ക്രിക്കറ്റ് താരം വിരാട് കോലിയും ബോളിവുഡ് സുന്ദരി അനുഷ്‌ക ശര്‍മ്മയും വിവാഹിതരായിട്ട് ദിവസങ്ങളായെങ്കിലും ഇവരെ കുറിച്ചുള്ള ചര്‍ച്ചകള്‍ ഇപ്പോഴും അവസാനിച്ചിട്ടില്ല. ഇറ്റലിയിലെ ടസ്‌കനില്‍ വച്ചാണ് ഇരുവരും തങ്ങളുടെ ജീവിതത്തിലെ ഏറ്റവും മനോഹര നിമിഷം ആഘോഷമാക്കിയത്. 

എന്നാല്‍ കോലിയും അനുഷ്‌കയും രാജ്യസ്‌നേഹികളല്ലെന്നും അതിനാലാണ് ഭഗവാന്‍ ശ്രീരാമന്‍ വിവാഹിതനായ മണ്ണില്‍നിന്ന് വിട്ട് വിദേശത്ത് പോയി വിവാഹം ചെയ്‌തെന്നും മധ്യപ്രദേശിലെ ബിജെപി എംഎല്‍എ. 

ഇരുവരും പണവും പ്രസിദ്ധിയും ഉണ്ടാക്കിയെടുത്തത് ഇന്ത്യയില്‍നിന്നാണ്. എന്നിട്ടും വിവാഹം കഴിക്കാന്‍ വിദേശത്തേക്ക് പോകുകയായിരുന്നു. എംഎല്‍എ ശക്യ പറഞ്ഞു. ഈ ദമ്പതികളെ കുറിച്ചാലോചിച്ച് താന്‍ അസ്വസ്ഥനാണെന്ന് ശേക്യ ആവര്‍ത്തിച്ചതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു. 

അതേസമയം ശക്യയുടെ പ്രസ്താവനയെ അപലപിച്ച് മധ്യപ്രദേശ് കോണ്‍ഗ്രസ് വക്താവ് കെ കെ മിശ്ര രംഗത്തെത്തി. സെലിബ്രിറ്റികളുടെ കാര്യത്തില്‍ ഇടപെടാന്‍ ശക്യ ആരാണെന്നും അദ്ദേഹത്തോട് ചോദിച്ചിട്ടാണോ അവര്‍ വിവാഹ വേദി തീരുമാനിക്കേണ്ടതെന്നും മിശ്ര ചോദിച്ചു.