രണ്‍വിറിന്റെയും ദീപികയുടെയും വിവാഹം സ്വിറ്റ്സര്‍ലൻഡില്‍

രണ്‍‌വിര്‍ സിംഗും ദീപിക പദുക്കോണും തമ്മില്‍ ഉടൻ വിവാഹിതരാകുമെന്നാണ് സിനിമ മാധ്യമങ്ങള്‍ റിപ്പോര്‍ട്ട് ചെയ്‍തിരുന്നു. എന്നാല്‍ എവിടെയായിരിക്കും വിവാഹമെന്ന കാര്യത്തില്‍ വ്യക്തതയുണ്ടായിരുന്നില്ല. സ്വിറ്റ്‍സര്‍ലൻഡിലായിരിക്കും വിവാഹമെന്നാണ് പുതിയ റിപ്പോര്‍ട്ട്.  സ്വിറ്റ്സര്‍ലൻഡ് ടൂറിസം അംബാസഡറാണ് രണ്‍വിര്‍.  രാജ്യത്ത് വിവാഹം നടത്താൻ രണ്‍വിറിന് സ്വിറ്റ്സര്‍ലൻഡില്‍ നിന്ന് ക്ഷണം ലഭിച്ചുവെന്നാണ് റിപ്പോര്‍ട്ട്. എന്നാല്‍ താരം ഇക്കാര്യത്തില്‍ ഔദ്യോഗികമായി പ്രതികരിച്ചിട്ടില്ല.

ഇരുവരും അഞ്ച് വര്‍ഷത്തോളമായി പ്രണയത്തിലായിരുന്നു. ഇവരുടെ വിവാഹതീയതി മാതാപിതാക്കള്‍ നിശ്ചയിച്ചതായാണ് സിനിമാ മാധ്യമങ്ങള്‍ റിപ്പോര്‍ട്ട് ചെയ്‍തത്. സെപ്‍റ്റംബര്‍ മുതല്‍ നാല് തീയതികളാണ് വിവാഹത്തിനായി കണ്ടിരിക്കുന്നത്. അതേസമയം ദീപിക വധുവാകാനുള്ള ഒരുക്കത്തിലാണ്. വിവാഹ ഷോപ്പിംഗ് തുടങ്ങിയെന്നും അടുത്തവൃത്തങ്ങള്‍ പറയുന്നു. ഹിന്ദു മതാചാരപ്രകാരമായിരിക്കും വിവാഹം. അടുത്ത സുഹൃത്തുക്കള്‍ക്കും ബന്ധുക്കള്‍ക്കും മാത്രമായിരിക്കും ക്ഷണം ഉണ്ടാകുക. തുടര്‍ന്ന് വലിയ തോതില്‍ വിവാഹവിരുന്നും നടത്താനാണ് തീരുമാനമെന്നുമാണ് റിപ്പോര്‍ട്ട്.