Health Tips: വിറ്റാമിന് 'എ'യുടെ അഭാവം; ഡയറ്റില് ഉള്പ്പെടുത്താം ഈ പത്ത് ഭക്ഷണങ്ങള്...
Synopsis
ചര്മ്മത്തിന്റെയും തലമുടിയുടെയും ആരോഗ്യത്തിനും വിറ്റാമിന് എ അടങ്ങിയ ഭക്ഷണങ്ങള് പ്രധാനമാണ്. വിറ്റാമിന് 'എ'യുടെ അഭാവമുള്ളവര് ഡയറ്റില് ഉള്പ്പെടുത്തേണ്ട ചില ഭക്ഷണങ്ങള് ഏതൊക്കെയാണെന്ന് നോക്കാം...
വിറ്റാമിന് എ അടങ്ങിയ ഭക്ഷണങ്ങള് കഴിക്കുന്നത് പ്രതിരോധശക്തി വര്ധിപ്പിക്കാനും കണ്ണിന്റെ കാഴ്ചയ്ക്കും ഏറെ ഗുണം ചെയ്യും. ചര്മ്മത്തിന്റെയും തലമുടിയുടെയും ആരോഗ്യത്തിനും വിറ്റാമിന് എ അടങ്ങിയ ഭക്ഷണങ്ങള് പ്രധാനമാണ്. വിറ്റാമിന് 'എ'യുടെ അഭാവമുള്ളവര് ഡയറ്റില് ഉള്പ്പെടുത്തേണ്ട ചില ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
ചീരയാണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിന് എയ്ക്ക് പുറമേ വിറ്റാമിന് സി, കാത്സ്യം, ഫോളേറ്റ് തുടങ്ങിയവ അടങ്ങിയ ചീര ശരീരത്തിന്റെ മൊത്തം ആരോഗ്യത്തിനും ഗുണം ചെയ്യും.
രണ്ട്...
ക്യാരറ്റ് ആണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് എയുടെ കലവറയാണ് ക്യാരറ്റ്. കാഴ്ചശക്തിക്ക് വളരെ പ്രധാനമാണിത്. നാരുകളാല് സമ്പുഷ്ടമായ ക്യാരറ്റ് രക്തത്തിലെ പഞ്ചസാരയുടെ അളവിനെ നിയന്ത്രിക്കാനും സഹായിക്കും. അതിനാല് ദിവസവും ഡയറ്റില് ക്യാരറ്റ് ഉള്പ്പെടുത്താം.
മൂന്ന്...
മധുരക്കിഴങ്ങാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് എ അടങ്ങിയ മധുരക്കിഴങ്ങും ഡയറ്റില് ഉള്പ്പെടുത്താം.
നാല്...
തക്കാളിയാണ് നാലാമതായി ഈ പട്ടികയില് ഉള്പ്പെടുന്നത്. വിറ്റാമിന് എ, സി, കെ, അയണ്, പൊട്ടാസ്യം എന്നിവ ധാരാളം അടങ്ങിയ തക്കാളി പ്രതിരോധിശേഷി വര്ധിപ്പിക്കാനും രക്തസമ്മര്ദ്ദം കുറയ്ക്കാനും ചര്മ്മത്തിന്റെ ആരോഗ്യത്തിനും നല്ലതാണ്.
അഞ്ച്...
റെഡ് പെപ്പര് അഥവാ കാപ്സിക്കത്തിലും വിറ്റാമിന് എയും മറ്റും അടങ്ങിയിട്ടുണ്ട്.
ആറ്...
പാലും പാല് ഉല്പ്പന്നങ്ങളും വിറ്റാമിന് എയുടെ സ്രോതസ്സാണ്. അതിനാല് പാല്, ചീസ്, തൈര് തുടങ്ങിയവയും ഡയറ്റില് ഉള്പ്പെടുത്തുന്നത് നല്ലതാണ്.
ഏഴ്...
മുട്ടയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് എ ധാരാളം അടങ്ങിയതാണ് മുട്ട. കൂടാതെ മുട്ടയിൽ ധാരാളം പ്രോട്ടീനും അടങ്ങിയിട്ടുണ്ട്.
എട്ട്...
ബ്രൊക്കോളി ആണ് എട്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് എ മാത്രമല്ല, വിറ്റാമിന് സി, ഇ, നാരുകള്, പ്രോട്ടീനുകള്, മഗ്നീഷ്യം, കാത്സ്യം തുടങ്ങിയവയും ബ്രൊക്കോളിയില് അടങ്ങിയിട്ടുണ്ട്.
ഒമ്പത്...
പപ്പായ ആണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് എ അടങ്ങിയ പപ്പായ കഴിക്കുന്നതും നല്ലതാണ്.
പത്ത്...
പേരയ്ക്കയാണ് അവസാനമായി ഈ പട്ടികയില് ഉള്പ്പെടുന്നത്. വിറ്റാമിന് എ, സി തുടങ്ങിയവ അടങ്ങിയ പേരയ്ക്ക കഴിക്കുന്നത് രോഗ പ്രതിരോധശേഷി കൂട്ടാനും കാഴ്ച ശക്തി കൂട്ടാനും കണ്ണുകളുടെ ആരോഗ്യം സംരക്ഷിക്കാനും ചര്മ്മത്തിന്റെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ദിവസവും ഓരോ പേരയ്ക്ക കഴിക്കൂ, ഈ രോഗങ്ങളെ അകറ്റാം...