കറിയില് ഉപ്പ് കൂടിയോ? പരീക്ഷിക്കാം ഈ പത്ത് പൊടിക്കൈകള്...
Synopsis
ഉപ്പിന്റെ അളവ് കൂടുതലായി നമ്മുടെ ശരീരത്തിലെത്തിയാലുണ്ടാകുന്ന ആരോഗ്യ പ്രശ്നങ്ങളെ കുറിച്ച് പലര്ക്കും വലിയ ധാരണയില്ല. ഉപ്പിന്റെ അമിത ഉപയോഗം മൂലം രക്തസമ്മര്ദ്ദത്തെ പോലും ബാധിക്കാം. എന്നാല് ചിലപ്പോഴെങ്കിലും നാം ഭക്ഷണം തയ്യാറാക്കുന്നതിനിടെ അറിയാതെ ഉപ്പ് കൂടി പോകാം.
ഭക്ഷണത്തിന് രുചി കൂട്ടാന് നാം ഉപ്പ് ഉപയോഗിക്കാറുണ്ട്. ഉപ്പ് ഒരല്പം കുറഞ്ഞു പോയി എന്ന ഒറ്റ കാരണത്താൽ ഭക്ഷണം പോലും കഴിക്കാത്തവരുണ്ടാകും. എന്നാൽ നമ്മുടെ ശരീരത്തിലെ ഉപാപചയ പ്രവർത്തനങ്ങൾ മികച്ചതാക്കാനും അവയവങ്ങളുടെ മികച്ച പ്രവർത്തന രീതിക്കുമെല്ലാം വളരെ മിതമായ അളവിലുള്ള ഉപ്പിന്റെ ആവശ്യമേയുള്ളൂ. ഉപ്പിന്റെ അളവ് കൂടുതലായി നമ്മുടെ ശരീരത്തിലെത്തിയാലുണ്ടാകുന്ന ആരോഗ്യ പ്രശ്നങ്ങളെ കുറിച്ച് പലര്ക്കും വലിയ ധാരണയില്ല. ഉപ്പിന്റെ അമിത ഉപയോഗം മൂലം രക്തസമ്മര്ദ്ദത്തെ പോലും ബാധിക്കാം. എന്നാല് ചിലപ്പോഴെങ്കിലും നാം ഭക്ഷണം തയ്യാറാക്കുന്നതിനിടെ അറിയാതെ ഉപ്പ് കൂടി പോകാം.
ഇത്തരത്തില് പാചകം ചെയ്യുമ്പോള് ഉപ്പ് അറിയാതെ കൂടി പോയാല് എന്തൊക്കെ ചെയ്യാമെന്ന് നോക്കാം.
ഒന്ന്...
ഉപ്പ് അധികമായാല് കറിയില് അല്പ്പം തേങ്ങാപാല് ചേര്ക്കാം.
രണ്ട്...
ഉരുളക്കിഴങ്ങ് വേവിക്കാതെ ചേര്ക്കുന്നത് കറിയിലെ അമിതമായ ഉപ്പിനെ നീക്കാന് സഹായിക്കും. ഇതിനായി ചെറുതായി മുറിച്ച ഉരുളക്കിഴങ്ങ് കഷ്ണങ്ങള് കറിയില് ചേര്ത്ത് ഇരുപത് മിനുറ്റോളം വേവാന് അനുവദിക്കുക. അധികമുള്ള ഉപ്പ് ഈ ഉരുളക്കിഴങ്ങ് കഷ്ണങ്ങള് വലിച്ചെടുത്തുകൊള്ളും. തുടര്ന്ന് ഉരുളക്കിഴങ്ങിനെ കറിയില് നിന്ന് മാറ്റിയിടാവുന്നതാണ്.
മൂന്ന്...
പുഴുങ്ങിയെടുത്ത ഉരുളക്കിഴങ്ങ് നന്നായി ഉടച്ച് കറിയില് ചേര്ക്കുന്നതും ഉപ്പ് കുറയ്ക്കാന് സഹായിക്കും.
നാല്...
ഉപ്പ് കൂടിയാല് ഒരു നുള്ള് പഞ്ചസാര ചേര്ത്താല് കറിയില് രുചി ക്രമീകരിക്കപ്പെടും.
അഞ്ച്...
ഉപ്പ് കൂടിയെന്ന് തോന്നിയാല് അല്പ്പം വെള്ളം ചേര്ത്ത് തിളപ്പിക്കുക.
ആറ്...
മാവ് കുഴച്ച് ഉരുളകളാക്കി കറിയില് ചേര്ക്കുന്നതാണ് മറ്റൊരു വഴി. ശേഷം പത്ത് മുതല് പതിനഞ്ച് മിനുറ്റുകള് വരെ കറി വേവിക്കണം. തുടര്ന്ന് ഈ ഉരുളകള് എടുത്തുമാറ്റാവുന്നതാണ്.
ഏഴ്...
ഉപ്പ് അധികമായാല് കറിയില് കുറച്ച് ഫ്രെഷ്ക്രീം ചോര്ത്ത് കൊടുക്കുന്നതും ഗുണം ചെയ്യും. ഇത് കറിയിലെ ഉപ്പ് കുറയ്ക്കുക മാത്രമല്ല, കറിക്ക് കൂടുതല് കൊഴുപ്പ് തോന്നിപ്പിക്കുകയും സ്വാദ് കൂട്ടുകയും ചെയ്യും.
എട്ട്...
ഒരു ടേബിള് സ്പൂണ് തൈര് കറിയില് ചേര്ത്ത് അഞ്ച് മിനിറ്റ് വേവിച്ചെടുക്കുന്നതും ഉപ്പ് കുറയ്ക്കാന് സഹായിക്കും.
ഒമ്പത്...
കറയില് ഒരു തക്കാളി ചേര്ത്താലും ഉപ്പ് കുറഞ്ഞ് കിട്ടും.
പത്ത്...
സവാള വട്ടത്തില് അരിഞ്ഞത് ചേര്ത്താല് ഉപ്പ് കുറഞ്ഞ് കിട്ടും.
Also Read: വെയിലേറ്റ് മുഖം കരുവാളിച്ചോ? പരീക്ഷിക്കാം ഈ നാല് എളുപ്പ വഴികള്...