രാത്രി നല്ല ഉറക്കം കിട്ടാൻ കുടിക്കാം ഈ മൂന്ന് പാനീയങ്ങള്...
Synopsis
പല കാരണം കൊണ്ടും രാത്രി ഉറക്കം കിട്ടാതെ വരാം. കാരണം കണ്ടെത്തി പരിഹാരം തേടുകയാണ് വേണ്ടത്.
ഉറക്കം ശരിയാകുന്നില്ലേ? പല കാരണം കൊണ്ടും രാത്രി ഉറക്കം കിട്ടാതെ വരാം. കാരണം കണ്ടെത്തി പരിഹാരം തേടുകയാണ് വേണ്ടത്. എന്തായാലും രാത്രി നല്ല ഉറക്കം ലഭിക്കാന് സഹായിച്ചേക്കാവുന്ന ചില പാനീയങ്ങളെ പരിചയപ്പെടാം..
ഒന്ന്...
പാല് ആണ് ആദ്യമായി ഈ പട്ടികയില് ഉള്പ്പെടുന്നത്. ഒരു ഗ്ലാസ് ചൂടു പാല് എന്നും രാത്രി ഉറങ്ങുന്നതിന് മുമ്പ് കുടിക്കുന്നത് ഉറക്കം ലഭിക്കാന് സഹായിക്കും. പാലിലുള്ള കാത്സ്യമാണ് ഉറക്കം കിട്ടാന് സഹായിക്കുന്നത്. ഉറക്കത്തെ സഹായിക്കുന്ന 'മെലാറ്റോണിന്' എന്ന ഹോര്മോണ് ഉത്പാദിപ്പിക്കുന്ന 'ട്രിപ്റ്റോഫാനെ' തലച്ചോറിലേക്ക് എത്തിക്കുന്ന പ്രവര്ത്തനമാണ് കാത്സ്യം ചെയ്യുന്നത്.
രണ്ട്...
ബദാം മില്ക്ക് ആണ് രണ്ടാമതായി ഈ പട്ടികയില് ഉള്പ്പെടുന്നത്. ശരീരത്തില് മഗ്നീഷ്യം അളവ് കുറയുമ്പോള് ചിലരില് ഉറക്കക്കുറവ് അനുഭവപ്പെടാം. മഗ്നീഷ്യം നല്ല അളവില് അടങ്ങിയിട്ടുള്ള ഒന്നാണ് ബദാം. ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു.
മൂന്ന്...
മഞ്ഞള് പാല് ആണ് അവസാനമായി ഈ പട്ടികയില് ഉള്പ്പെടുന്നത്. രാത്രി പാലില് ഒരു നുള്ള് മഞ്ഞള് ചേര്ത്ത് കുടിക്കുന്നത് നല്ല ഉറക്കത്തിന് സഹായിക്കും. മഞ്ഞളിലെ കുര്കുമിന് ആണ് ഇതിന് സഹായിക്കുന്നത്.
ശ്രദ്ധിക്കുക: വിദഗ്ധനായ ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടിയശേഷം ആഹാരക്രമത്തില് മാറ്റം വരുത്തുക.
Also read: വിറ്റാമിന് കെയുടെ കുറവ്; ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...