വയറില് കൊഴുപ്പടിയുന്നതാണോ പ്രശ്നം? ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...
Synopsis
വയറിലെ കൊഴുപ്പിനെ പുറംതള്ളാന് കുറച്ചു ബുദ്ധിമുട്ടാണ് എന്ന കാര്യം ആദ്യം മനസ്സിലാക്കുക. ഇതിനെ പരിഹരിക്കാനും വണ്ണം കുറയ്ക്കാനും പല ഡയറ്റ് പ്ലാനും പരീക്ഷിച്ച് മടുത്തവരും ഉണ്ടാകാം.
വയറു നോക്കി നെടുവീർപ്പെടുകയാണോ? വയറിലെ കൊഴുപ്പിനെ പുറംതള്ളാന് കുറച്ചു ബുദ്ധിമുട്ടാണ് എന്ന കാര്യം ആദ്യം മനസ്സിലാക്കുക. ഇതിനെ പരിഹരിക്കാനും വണ്ണം കുറയ്ക്കാനും പല ഡയറ്റ് പ്ലാനും പരീക്ഷിച്ച് മടുത്തവരും ഉണ്ടാകാം. ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പെടുത്തുകയാണ് വേണ്ടത്.
വയറിലെ കൊഴുപ്പ് കുറയ്ക്കാന് സഹായിക്കുന്ന ചില ഭക്ഷണങ്ങളെ പരിചയപ്പെടാം...
ഒന്ന്...
ആപ്പിൾ ആണ് ആദ്യമായി ഈ പട്ടികയില് ഉള്പ്പെടുന്നത്. ആപ്പിൾ കഴിക്കുമ്പോൾ വിശപ്പ് പെട്ടെന്നു ശമിക്കുകയും കൂടുതൽ ഭക്ഷണം കഴിക്കുന്നതു തടയുകയും ചെയ്യും. അതിനാല് ആപ്പിള് കഴിക്കുന്നത് വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും.
രണ്ട്...
ബാര്ലിയാണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബര്, വിറ്റാമിന് ബി, സിങ്ക്, അയേണ്, മഗ്നീഷ്യം തുടങ്ങിയവ ബാര്ലിയില് അടങ്ങിയിട്ടുണ്ട്. അതിനാല് ഇവ ഡയറ്റില് ഉള്പ്പെടുത്തുന്നത് വണ്ണം കുറയ്ക്കാന് നല്ലതാണ്.
മൂന്ന്...
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. കൂടാതെ വിറ്റാമിനുകളും മിനറലുകളും ആന്റി ഓക്സിഡന്റുകളും അടങ്ങിയ ഇവയില് പ്രോട്ടീനും ധാരാളം അടങ്ങിയിട്ടുണ്ട്. അതിനാല് ഓട്സ് കഴിക്കുന്നത് വണ്ണം കുറയ്ക്കാന് നല്ലതാണ്.
നാല്...
തൈര് ആണ് നാലാമതായി ഈ പട്ടികയില് ഉള്പ്പെടുന്നത്. കാത്സ്യം, വിറ്റാമിന് ഡി തുടങ്ങിയവ അടങ്ങിയ തൈര് വയറിലെ കൊഴുപ്പ് കുറയ്ക്കാന് നല്ലതാണ്.
അഞ്ച്...
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ നട്സ് വണ്ണവും കുടവയറും കുറയ്ക്കാന് സഹായിക്കും. നട്സ് പെട്ടെന്ന് വയര് നിറയ്ക്കാന് സഹായിക്കുകയും ചെയ്യും. അതിനാല് ബദാം, വാള്നട്സ്, പിസ്ത തുടങ്ങിയ നട്സുകള് കഴിക്കുന്നത് നല്ലതാണ്.
ആറ്...
ചിയ സീഡ്സ് അഥവാ ചിയ വിത്തുകള് ആണ് അവസാനമായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ്, പ്രോട്ടീനുകള്, ഫൈബര്, കാത്സ്യം, സിങ്ക്, അയേണ്, മറ്റ് ആന്റി ഓക്സിഡന്റുകള് തുടങ്ങിയവ ധാരാളമടങ്ങിയ ഇവ ശരീരത്തിന് ഏറെ നല്ലതാണ്. ഫൈബര് ധാരാളം അടങ്ങിയ ഇവ വയര് നിറയ്ക്കാനും വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും. നൂറ് ഗ്രാം ചിയ വിത്തുകള് കഴിക്കുന്നത് ആ ദിവസത്തെ മുഴുവന് വിശപ്പിനെയും കുറയ്ക്കാന് സഹായിക്കുമെന്നാണ് വിദഗ്ധര് പറയുന്നത്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ശരീരത്തിന്റെ ആരോഗ്യത്തോടൊപ്പം ചര്മ്മം തിളങ്ങാനും സഹായിക്കുന്ന ഭക്ഷണങ്ങള്...