അസിഡിറ്റിയെ തടയാന് ഡയറ്റില് നിന്നും ഒഴിവാക്കാം ഈ എട്ട് ഭക്ഷണങ്ങള്...
Synopsis
ഒരുപാട് ഭക്ഷണം ഒരുമിച്ച് കഴിക്കുന്നത് ഒഴുവാക്കി ഇടയ്ക്കിടയ്ക്ക് എന്തെങ്കിലുമൊക്കെ കഴിക്കുന്നത് നല്ലതാണ്. അതുപോലെ തന്നെ വെള്ളം ധാരാളം കുടിക്കാം. ദഹനം എളുപ്പത്തിലാക്കുന്നതിലും ആസിഡ് ഉത്പാദനത്തിന്റെ വ്യതിയാനം ക്രമപ്പെടുത്തുന്നതിനും വെള്ളം കുടിക്കുന്നത് നല്ലതാണ്.
വയറിന്റെ ആരോഗ്യം സംരക്ഷിക്കേണ്ടത് ഏറെ പ്രധാനപ്പെട്ട കാര്യമാണ്. പലരും അനുഭവിക്കുന്ന ഒരു പ്രധാന പ്രശ്നം അസിഡിറ്റിയും ദഹനക്കേടുമൊക്കെയാണ്. അസിഡിറ്റിയെ ഒഴിവാക്കാന് ആദ്യം ചെയ്യേണ്ടത് എല്ലാ ദിവസവും കൃത്യസമയത്ത് തന്നെ ഭക്ഷണം കഴിക്കുക എന്നതാണ്. കൂടാതെ കഴിക്കുന്ന ഭക്ഷണത്തിനിടയിലുളള ഇടവേളകള് ചുരുക്കാനും ശ്രദ്ധിക്കുക. ഒരുപാട് ഭക്ഷണം ഒരുമിച്ച് കഴിക്കുന്നത് ഒഴുവാക്കി ഇടയ്ക്കിടയ്ക്ക് എന്തെങ്കിലുമൊക്കെ കഴിക്കുന്നത് നല്ലതാണ്. അതുപോലെ തന്നെ വെള്ളം ധാരാളം കുടിക്കാം. ദഹനം എളുപ്പത്തിലാക്കുന്നതിലും ആസിഡ് ഉത്പാദനത്തിന്റെ വ്യതിയാനം ക്രമപ്പെടുത്തുന്നതിനും വെള്ളം കുടിക്കുന്നത് നല്ലതാണ്.
അസിഡിറ്റിയെ തടയാന് ഡയറ്റില് നിന്നും ഒഴിവാക്കേണ്ട ഭക്ഷണങ്ങളെ പരിചയപ്പെടാം...
ഒന്ന്...
ആസിഡ് അടങ്ങിയ ഓറഞ്ച്, നാരങ്ങ മുതലായ സിട്രസ് പഴങ്ങള് അധികം കഴിക്കാതിരിക്കുന്നതാണ് അസിഡിറ്റിയുള്ളവര്ക്ക് നല്ലത്.
രണ്ട്...
പൂരിത കൊഴുപ്പും കുടലിന്റെ ആരോഗ്യത്തെ മോശമായി ബാധിക്കാം. ഈ ഭക്ഷണങ്ങൾ ദഹിക്കാൻ ബുദ്ധിമുട്ടാണ്. അതിനാല് ഇവയും ഡയറ്റില് നിന്നും ഒഴിവാക്കുകയാണ് അസിഡിറ്റിയുള്ളവര്ക്ക് നല്ലത്.
മൂന്ന്...
എണ്ണയില് വറുത്തതും പൊരിച്ചതുമായ ഭക്ഷണങ്ങള്, കൊഴുപ്പും എരുവും നിറഞ്ഞ ഭക്ഷണങ്ങള് തുടങ്ങിയവ ഒഴിവാക്കുക. പകരം ധാരാളം നാരടങ്ങിയ പഴങ്ങളും പച്ചക്കറികളും കഴിക്കാം.
നാല്...
ഉരുളക്കിഴങ്ങ്, ബീന്സ് എന്നിവയും ചിലരില് അസിഡിറ്റി ഉണ്ടാക്കാം. ഇത്തരത്തില് അസിഡിറ്റി കൂട്ടുന്ന ഭക്ഷ്യവസ്തുക്കള് സ്വയം കണ്ടെത്തി ഒഴിവാക്കാനും ശ്രദ്ധിക്കുക.
അഞ്ച്...
ഉയർന്ന അളവിൽ ഉപ്പ്, പഞ്ചസാര എന്നിവ അടങ്ങിയ ഭക്ഷണങ്ങളും ഡയറ്റില് നിന്ന് ഒഴിവാക്കുന്നതാണ് വയറിന്റെ ആരോഗ്യത്തിന് നല്ലത്.
ആറ്...
കഫൈന് അടങ്ങിയ ഭക്ഷണം പരമാവധി ഡയറ്റില് നിന്നും ഒഴിവാക്കുക. ചിലരില് കാപ്പി, പാല്, ചായ, വെണ്ണ എന്നിവ അസിഡിറ്റി ഉണ്ടാക്കാം.
ഏഴ്...
സോയാബീന്, ഓട്സ്, അണ്ടിപ്പരിപ്പ് തുടങ്ങിയ പലതും ചിലര്ക്ക് അസിഡിറ്റി ഉണ്ടാക്കാം. ഇത്തരത്തില് അസിഡിറ്റി കൂട്ടുന്ന ഭക്ഷ്യവസ്തുക്കള് സ്വയം കണ്ടെത്തി ഒഴിവാക്കാന് പ്രത്യേകം ശ്രദ്ധ വേണം.
എട്ട്...
അച്ചാറുകള് പരമാവധി ഒഴിവാക്കാന് ശ്രമിക്കുക. ചിലരില് അതും അസിഡിറ്റി ഉണ്ടാക്കാം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: വണ്ണം കുറയ്ക്കണോ? രാവിലെ കുടിക്കാം കലോറി കുറഞ്ഞ ഈ പാനീയങ്ങൾ...