കൊളസ്ട്രോള് കുറയ്ക്കാനും ഹൃദയാരോഗ്യത്തിനും ഡയറ്റില് ഉള്പ്പെടുത്താം അവക്കാഡോ; അറിയാം ഗുണങ്ങള്...
Synopsis
ആരോഗ്യകരമായ ജീവിതശൈലിയും ശരിയായ ഭക്ഷണശീലവും പിന്തുടര്ന്നാല് ഹൃദയാരോഗ്യം സംരക്ഷിക്കാനാകും. കൊളസ്ട്രോള്, പ്രമേഹം, ഉയര്ന്ന രക്തസമ്മര്ദ്ദം, അനാരോഗ്യകരമായ ഭക്ഷണം, ഉദാസീനമായ ജീവിതശൈലി, മദ്യപാനം, പുകവലി, അമിതവണ്ണം തുടങ്ങിയവയുടെ ഒക്കെ ഫലമാണ് പലപ്പോഴും ഹൃദയത്തെ ബാധിക്കുന്നത്.
മാറിയ ജീവിതശൈലിയും വ്യായാമക്കുറവും ആണ് പലപ്പോഴും ശരീരത്തില് ചീത്ത കൊളസ്ട്രോള് വര്ധിക്കാന് കാരണം. കൊളസ്ട്രോള് തോത് നിയന്ത്രണം വിട്ട് വര്ധിക്കുമ്പോള് മാത്രമാണ് ഹൃദയാഘാതത്തിന്റെയും പക്ഷാഘാതത്തിന്റെയും രൂപത്തില് ശരീരം സൂചനകള് നല്കുക.
അനാരോഗ്യകരമായ ജീവിതശൈലി ആണ് പലപ്പോഴും കൊളസ്ട്രോള് കൂടാനും പിന്നാലെ അത് ഹൃദയത്തിന്റെ ആരോഗ്യത്തെ മോശമായി ബാധിക്കുന്നതും. ആരോഗ്യകരമായ ജീവിത ശൈലിയും ശരിയായ ഭക്ഷണശീലവും പിന്തുടര്ന്നാല് ഹൃദയാരോഗ്യം സംരക്ഷിക്കാനാകും. കൊളസ്ട്രോള്, പ്രമേഹം, ഉയര്ന്ന രക്തസമ്മര്ദ്ദം, അനാരോഗ്യകരമായ ഭക്ഷണം, ഉദാസീനമായ ജീവിത ശൈലി, മദ്യപാനം, പുകവലി, അമിതവണ്ണം തുടങ്ങിയവയുടെ ഒക്കെ ഫലമാണ് പലപ്പോഴും ഹൃദയത്തെ ബാധിക്കുന്നത്. ഹൃദയത്തിന്റെ നല്ല ആരോഗ്യത്തിന് ഭക്ഷണക്രമത്തില് പ്രത്യേകം ശ്രദ്ധ വേണം.
അത്തരത്തില് ശരീത്തിലെ ചീത്ത കൊളസ്ട്രോള് അഥവാ എല്ഡിഎല് കുറയ്ക്കാനും ഹൃദയാരോഗ്യം സംരക്ഷിക്കാനും ഡയറ്റില് ഉള്പ്പെടുത്തേണ്ട ഒന്നാണ് അവക്കാഡോ. ധാരാളം ആരോഗ്യ ഗുണങ്ങളുളള ഒന്നാണ് അവക്കാഡോ അഥവാ വെണ്ണപ്പഴം. കൊളസ്ട്രോൾ കുറയ്ക്കാന് ദിവസവും ഒരു അവക്കാഡോ പഴം കഴിക്കുന്നത് നല്ലതാണെന്നാണ് പഠനങ്ങള് പറയുന്നത്. ഒപ്പം ഇവ ഹൃദയത്തിന്റെ ആരോഗ്യത്തെയും സംരക്ഷിക്കും.
വിറ്റാമിന് സി, ഇ, കെ, പൊട്ടാസ്യം, ഫോളേറ്റ് തുടങ്ങി നിരവധി ആന്റി ഓക്സിഡന്റുകള് അടങ്ങിയതാണ് അവക്കാഡോ. ഫൈബര് ധാരാളം അടങ്ങിയിരിക്കുന്നതിനാല് ശരീരഭാരം കുറയ്ക്കാന് ഇവ സഹായിക്കും. പ്രതിരോധശേഷി വര്ധിപ്പിക്കാനും പ്രമേഹത്തെ നിയന്ത്രിക്കാനും അവക്കാഡോ പഴം ഡയറ്റില് ഉള്പ്പെടുത്താം.
ഗര്ഭിണികള്ക്ക് കഴിക്കാന് ഉത്തമമായ ഒരു ഭക്ഷണം കൂടിയാണ് അവക്കാഡോ പഴം. നാച്യുറൽ ഓയിലുകളാൽ സമ്പന്നമാണ് അവക്കാഡോ. ബയോട്ടിനും ഇവയില് അടങ്ങിയിട്ടുണ്ട്. അതുകൊണ്ടു തന്നെ ഇവ കേശ സംരക്ഷണത്തിന് മികച്ചതാണ്.
Also Read: ഈ ജ്യൂസ് കുടിക്കാനായി ദക്ഷിണ കൊറിയയില് നിന്ന് ഇന്ത്യയിലെത്തിയ യുവാവ്; വീഡിയോ വൈറല്