പാഷൻഫ്രൂട്ട് കഴിക്കാന് ഇഷ്ടമാണോ? നിങ്ങളറിയേണ്ടത്...
Synopsis
മഞ്ഞ, പര്പ്പിള് എന്നീ നിറങ്ങളിലാണ് ഇവ കൂടുതലും കാണപ്പെടുന്നത്. ആന്റി ഓക്സിഡന്റുകള്, ഫൈബര്, വിറ്റാമിനുകള് തുടങ്ങിയവ അടങ്ങിയ പാഷൻഫ്രൂട്ടിന്റെ ആരോഗ്യ ഗുണങ്ങള് എന്തൊക്കെയാണെന്ന് നോക്കാം...
നിരവധി ആരോഗ്യ ഗുണങ്ങളുള്ള പഴമാണ് പാഷൻഫ്രൂട്ട്. മഞ്ഞ, പര്പ്പിള് എന്നീ നിറങ്ങളിലാണ് ഇവ കൂടുതലും കാണപ്പെടുന്നത്. ആന്റി ഓക്സിഡന്റുകള്, ഫൈബര്, വിറ്റാമിനുകള് തുടങ്ങിയവ അടങ്ങിയ പാഷൻഫ്രൂട്ടിന്റെ ആരോഗ്യ ഗുണങ്ങള് എന്തൊക്കെയാണെന്ന് നോക്കാം...
ഒന്ന്...
വിറ്റാമിന് സി, ആന്റി ഓക്സിഡന്റുകള് തുടങ്ങിയവ അടങ്ങിയ പാഷൻഫ്രൂട്ട് പതിവായി കഴിക്കുന്നത് ശരീരത്തിന്റെ രോഗ പ്രതിരോധശേഷി വര്ധിപ്പിക്കാന് സഹായിക്കും.
രണ്ട്...
ഗ്ലൈസെമിക് ഇൻഡക്സ് കുറവായ, നാരുകൾ ധാരാളം അടങ്ങിയ പാഷൻഫ്രൂട്ട് പ്രമേഹരോഗികൾക്ക് കഴിക്കാവുന്ന മികച്ച പഴമാണ്.
മൂന്ന്...
കലോറി കൂട്ടാതെ തന്നെ വയർ നിറഞ്ഞതായി തോന്നിക്കുന്ന 'പെക്റ്റിൻ' എന്നയിനം നാരും ഇതില് അടങ്ങിയിട്ടുണ്ട്. നാരുകള് അടങ്ങിയ ഇവ ഡയറ്റില് ഉള്പ്പെടുത്തുന്നത് വണ്ണം കുറയ്ക്കാനും സഹായിക്കും.
നാല്...
പൊട്ടാസ്യം ധാരാളം അടങ്ങിയതിനാൽ രക്തസമ്മർദ്ദം നിയന്ത്രിക്കാൻ പാഷൻഫ്രൂട്ട് സഹായിക്കുന്നു. ഒപ്പം കൊളസ്ട്രോള് കുറയ്ക്കാനും ഹൃദയാരോഗ്യം മെച്ചപ്പെടുത്താനും ഇവ സഹായിക്കും.
അഞ്ച്...
നാരുകൾ അടങ്ങിയ പാഷൻഫ്രൂട്ട് ദഹനത്തിനും സഹായിക്കും. മലബന്ധം തടയാനും പാഷന് ഫ്രൂട്ട് ഡയറ്റില് ഉള്പ്പെടുത്താം.
ആറ്...
മഗ്നീഷ്യം, കാത്സ്യം, അയേൺ, ഫോസ്ഫറസ് എന്നിവയെല്ലാം പാഷന്ഫ്രൂട്ടില് അടങ്ങിയിട്ടുണ്ട്. അതിനാല് ഇവ എല്ലുകളുടെ ആരോഗ്യത്തിന് നല്ലതാണ്.
ഏഴ്...
മഗ്നീഷ്യം ധാരാളം അടങ്ങിയ പാഷന് ഫ്രൂട്ട് സ്ട്രെസ് കുറയ്ക്കാനും ഉത്ക്കണ്ഠ അകറ്റാനും സഹായിക്കും.
എട്ട്...
വിറ്റാമിന് എ, സി ധാരാളം അടങ്ങിയ പാഷന്ഫ്രൂട്ട് ചർമ്മത്തിന്റെ ആരോഗ്യത്തിനും കണ്ണുകളുടെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: വണ്ണവും പ്രമേഹവും നിയന്ത്രിക്കാന് ക്യാരറ്റ്; അറിയാം മറ്റ് ഗുണങ്ങള്...