ചര്മ്മം കണ്ടാല് പ്രായം തോന്നിക്കുന്നുണ്ടോ? ഡയറ്റില് ഉള്പ്പെടുത്താം ഈ ഭക്ഷണങ്ങള്...
Synopsis
ചര്മ്മത്തിലെ ദൃഢതയും ഇലാസ്തികതയും നിലനിര്ത്തുന്നത് കൊളാജിനാണ്. അതിനാല് ചര്മ്മത്തിലെ കൊളാജിന്റെ അളവ് കൂട്ടാന് സഹായിക്കുന്ന ഭക്ഷണങ്ങള് ഡയറ്റില് ഉള്പ്പെടുത്തണം.
പ്രായമാകുന്നതിനനുസരിച്ച് ചർമ്മത്തിന്റെ ഘടനയില് മാറ്റം വരുന്നത് സ്വാഭാവികമാണ്. ഇതിന്റെ ഭാഗമായി ചര്മ്മത്തില് ചുളിവുകളും വരകളും വീഴാം. ചര്മ്മത്തിലെ ദൃഢതയും ഇലാസ്തികതയും നിലനിര്ത്തുന്നത് കൊളാജിനാണ്. അതിനാല് ചര്മ്മത്തിലെ കൊളാജിന്റെ അളവ് കൂട്ടാന് സഹായിക്കുന്ന ഭക്ഷണങ്ങള് ഡയറ്റില് ഉള്പ്പെടുത്തണം.
അത്തരത്തില് കൊളാജിന് ധാരാളം അടങ്ങിയ ചില ഭക്ഷണങ്ങളെ പരിചയപ്പെടാം.
ഒന്ന്...
ചിക്കന് ആണ് ആദ്യമായി ഈ പട്ടികയില് ഉള്പ്പെടുന്നത്. കൊളാജിന് ധാരാളം അടങ്ങിയ ഭക്ഷണമാണ് ചിക്കന്. അതിനാല് ചിക്കന് പതിവായി കഴിക്കുന്നത് ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
രണ്ട്...
നെല്ലിക്ക ആണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് സിയും മറ്റ് ആന്റി ഓക്സിഡന്റുകളും ധാരാളം അടങ്ങിയതാണ് നെല്ലിക്ക. ഇവ ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
മൂന്ന്...
മത്സ്യം ആണ് മൂന്നാമതായി ഈ പട്ടികയില് ഉള്പ്പെടുന്നത്. അമിനോ ആസിഡ് ധാരാളം അടങ്ങിയ മത്സ്യം കൊളാജിന് വര്ധിപ്പിക്കാന് സഹായിക്കും. അതിനാല് മത്സ്യവും പതിവായി ഡയറ്റില് ഉള്പ്പെടുത്താം.
നാല്...
പാലും പാലുല്പ്പന്നങ്ങളുമാണ് അടുത്തതായി ഈ പട്ടികയില് ഉള്പ്പെടുന്നത്. സിങ്ക് ധാരാളം അടങ്ങിയ ഇവ ഡയറ്റില് ഉള്പ്പെടുത്തുന്നത് കൊളാജിന് വര്ധിപ്പിക്കാന് സഹായിക്കും. അതുവഴി ചര്മ്മത്തിലെ ദൃഢതയും ഇലാസ്തികതയും നിലനിര്ത്താം.
അഞ്ച്...
വിറ്റാമിന് സിയും മറ്റ് പോഷകങ്ങളും അടങ്ങിയ ഓറഞ്ച് ഡയറ്റില് ഉള്പ്പെടുത്തുന്നതും ചര്മ്മത്തിന്റെ ആരോഗ്യത്തിന് ഏറേ നല്ലതാണ്. ഇവ സൂര്യതാപം മൂലമുണ്ടാകുന്ന ചർമ്മപ്രശ്നങ്ങളെ തടയുകയും, സ്വാഭാവികമായ രീതിയിൽ ചർമ്മത്തിന് ജലാംശം നൽകുകയും ചര്മ്മത്തിലെ വരൾച്ച, കറുത്ത പാടുകൾ, ചുളിവുകള് എന്നിവയെ അകറ്റുകയും ചെയ്യുന്നു.
ആറ്...
ബെറി പഴങ്ങളാണ് അവസാനമായി ഈ പട്ടികയില് ഉള്പ്പെടുന്നത്. സ്ട്രോബെറി, ബ്ലൂബെറി, ബ്ലാക്ക്ബെറി, റാസ്ബെറി തുടങ്ങിയവയില് അടങ്ങിയിരിക്കുന്ന വിറ്റാമിന് സി, ആന്റി ഓക്സിഡന്റുകള് എന്നിവ ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
Also Read: മുഖത്തെ കറുത്ത പാടുകള് അകറ്റാന് പപ്പായ; ഉപയോഗിക്കേണ്ടത് ഇങ്ങനെ...