പ്രമേഹ രോഗികള്ക്ക് മധുരപലഹാരത്തിന് പകരം കഴിക്കാം ഈ ഭക്ഷണങ്ങള്...
Synopsis
പ്രമേഹ രോഗികള് അന്നജം കുറഞ്ഞ, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള് തെരഞ്ഞെടുക്കുകയും വേണം. അമിതമായി പഞ്ചസാര അടങ്ങിയ ഭക്ഷണങ്ങള് പ്രമേഹ രോഗികള് പരമാവധി ഒഴിവാക്കുന്നതാണ് നല്ലത്. മധുരമുള്ള ഭക്ഷണങ്ങൾ ധാരാളം കഴിക്കുന്നത് രക്തത്തിലെ പഞ്ചസാരയുടെ അളവിനെ ബാധിക്കാം.
പ്രമേഹത്തെ നിയന്ത്രിക്കാന് പലതും പരീക്ഷിക്കുന്നവരുണ്ട്. രക്തത്തിലെ പഞ്ചസാരയുടെ അളവ് സ്വാഭാവികമായി നിയന്ത്രിക്കുന്നതിൽ ആരോഗ്യകരമായ ഭക്ഷണക്രമം ഒരു പ്രധാന പങ്ക് വഹിക്കുന്നു. പ്രമേഹ രോഗികള് അന്നജം കുറഞ്ഞ, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള് തെരഞ്ഞെടുക്കുകയും വേണം.
അമിതമായി പഞ്ചസാര അടങ്ങിയ ഭക്ഷണങ്ങള് പ്രമേഹ രോഗികള് പരമാവധി ഒഴിവാക്കുന്നതാണ് നല്ലത്. മധുരമുള്ള ഭക്ഷണങ്ങൾ ധാരാളം കഴിക്കുന്നത് രക്തത്തിലെ പഞ്ചസാരയുടെ അളവിനെ ബാധിക്കാം. പ്രമേഹ രോഗികള്ക്ക് മധുരപലഹാരത്തിന് പകരം കഴിക്കാവുന്ന ചില ഭക്ഷണങ്ങളെ പരിചയപ്പെടാം...
ഒന്ന്...
ബെറി പഴങ്ങളാണ് ആദ്യമായി ഈ പട്ടികയില് ഉള്പ്പെടുന്നത്. ഫൈബറും ആന്റിഓക്സിഡന്റുകളും അടങ്ങിയ സ്ട്രോബെറി, റാസ്ബെറി, ബ്ലൂബെറി തുടങ്ങിയ പഴങ്ങള് പ്രമേഹ രോഗികള്ക്ക് ധൈര്യമായി കഴിക്കാം. ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
രണ്ട്...
അവക്കാഡോ ആണ് രണ്ടാമതായി ഈ പട്ടികയില് ഉള്പ്പെടുന്നത്. ആരോഗ്യകരമായ കൊഴുപ്പും ഫൈബറും അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
മൂന്ന്...
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ബദാം, വാള്നട്സ്, പിസ്ത തുടങ്ങിയവയില് ഫൈബറും ആരോഗ്യകരമായ കൊഴുപ്പും പ്രോട്ടീനും അടങ്ങിയിട്ടുണ്ട്. അതിനാല് ഇവ പ്രമേഹ രോഗികള്ക്ക് കഴിക്കാവുന്ന ഒന്നാണ്.
നാല്...
കറുവാപ്പട്ട ആണ് നാലാമതായി ഈ പട്ടികയില് ഉള്പ്പെടുന്നത്. ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
അഞ്ച്...
ഡാര്ക്ക് ചോക്ലേറ്റ് ആണ് അടുത്തതായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകളും ആരോഗ്യകരമായ കൊഴുപ്പും അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
ആറ്...
ചീരയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിനുകളും മിനറലുകളും അടങ്ങിയ ഇവ കഴിക്കുന്നതും പ്രമേഹ രോഗികള്ക്ക് നല്ലതാണ്.
ഏഴ്...
മധുരക്കിഴങ്ങാണ് ഏഴാമതായി ഈ പട്ടികയില് ഉള്പ്പെടുന്നത്. ഫൈബറും വിറ്റാമിനുകളും മറ്റും അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
എട്ട്...
സാല്മണ് ഫിഷ് ആണ് അവസാനമായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം