ഉറക്കം ശരിയാകുന്നില്ലേ? രാത്രി കുടിക്കാം ഈ അഞ്ച് പാനീയങ്ങള്...
Synopsis
പല കാരണങ്ങള്ക്കൊണ്ടും രാത്രിയില് നല്ല ഉറക്കം ലഭിക്കാതെ വരാം. സ്ട്രെസും ഉത്കണ്ഠയും വിഷാദവുമൊക്കെ ഉറക്കവുമായി ബന്ധപ്പെട്ടിരിക്കുന്നു. അതിനാല് ഉറക്കക്കുറവിന്റെ കാരണം കണ്ടെത്തി ചികിത്സിക്കുകയാണ് വേണ്ടത്.
രാത്രി നന്നായി ഉറങ്ങിയില്ലെങ്കില്, അത് ശരീരത്തെയും മനസിനെയും ഒരു പോലെ ബാധിക്കും. പല കാരണങ്ങള്ക്കൊണ്ടും രാത്രിയില് നല്ല ഉറക്കം ലഭിക്കാതെ വരാം. സ്ട്രെസും ഉത്കണ്ഠയും വിഷാദവുമൊക്കെ ഉറക്കവുമായി ബന്ധപ്പെട്ടിരിക്കുന്നു. അതിനാല് ഉറക്കക്കുറവിന്റെ കാരണം കണ്ടെത്തി ചികിത്സിക്കുകയാണ് വേണ്ടത്.
എന്തായാലും രാത്രി നല്ല ഉറക്കം ലഭിക്കാന് സഹായിച്ചേക്കാവുന്ന ചില പാനീയങ്ങളെ പരിചയപ്പെടാം...
ഒന്ന്...
ചെറി ജ്യൂസ് ആണ് ആദ്യമായി ഈ പട്ടികയില് ഉള്പ്പെടുന്നത്. ഉറക്കക്കുറവ് പരിഹരിക്കുന്ന മെലാറ്റോനിൻ എന്ന വസ്തു ചെറുപ്പഴത്തിൽ ധാരാളം ഉണ്ട്. അതിനാല് ചെറി ജ്യൂസ് പതിവായി കുടിക്കുന്നത് നല്ല ഉറക്കത്തിന് സഹായിക്കും.
രണ്ട്...
പെപ്പർമിന്റ് ടീ ആണ് രണ്ടാമതായി ഈ പട്ടികയില് ഉള്പ്പെടുന്നത്. പെപ്പർമിന്റ് ഇലയില് അടങ്ങിയിരിക്കുന്ന ആന്റി ഓക്സിഡന്റുകള് നല്ല ഉറക്കം ലഭിക്കാന് സഹായിക്കും.
മൂന്ന്...
പാല് ആണ് അടുത്തതായി ഈ പട്ടികയില് ഉള്പ്പെടുന്നത്. ഒരു ഗ്ലാസ് പാല് എന്നും രാത്രി ഉറങ്ങുന്നതിന് മുമ്പ് കുടിക്കുന്നത് ഉറക്കം ലഭിക്കാന് സഹായിക്കും. പാലിലുള്ള കാത്സ്യമാണ് ഉറക്കം കിട്ടാനുള്ള കാരണം. ഉറക്കത്തെ സഹായിക്കുന്ന 'മെലാറ്റോണിന്' എന്ന ഹോര്മോണ് ഉത്പാദിപ്പിക്കുന്ന 'ട്രിപ്റ്റോഫാനെ' തലച്ചോറിലേക്ക് എത്തിക്കുന്ന പ്രവര്ത്തനമാണ് കാത്സ്യം ചെയ്യുന്നത്.
നാല്...
ബദാം മില്ക്ക് ആണ് നാലാമതായി ഈ പട്ടികയില് ഉള്പ്പെടുന്നത്. ശരീരത്തില് മഗ്നീഷ്യം അളവ് കുറയുമ്പോള് ചിലരില് ഉറക്കക്കുറവ് അനുഭവപ്പെടാം. മഗ്നീഷ്യം നല്ല അളവില് അടങ്ങിയിട്ടുള്ള ഒന്നാണ് ബദാം. ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു. കൂടാതെ, പേശികളെ ശാന്തമാക്കാനും മഗ്നീഷ്യം സഹായിക്കുന്നുണ്ട്.
അഞ്ച്...
കിവി ജ്യൂസ് ആണ് അവസാനമായി ഈ പട്ടികയില് ഉള്പ്പെടുന്നത്. ഉയര്ന്ന ആന്റി ഓക്സിഡന്റ് അളവുകളുള്ള കിവി ഉറക്കം ലഭിക്കാന് സഹായിക്കും.
ശ്രദ്ധിക്കുക: വിദഗ്ധനായ ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടിയശേഷം ആഹാരക്രമത്തില് മാറ്റം വരുത്തുക.
Also Read: അടിവയറ്റിലെ കൊഴുപ്പിനെ പുറംതള്ളാന് രാവിലെ ഈ ഭക്ഷണങ്ങള് കഴിക്കൂ...