വരണ്ട ചര്മ്മത്തെ അകറ്റാന് ഡയറ്റില് ഉള്പ്പെടുത്തേണ്ട ഭക്ഷണങ്ങള്
Synopsis
വരണ്ട ചര്മ്മത്തെ അകറ്റാന് ആദ്യം ചെയ്യേണ്ടത് വെള്ളം ധാരാളം കുടിക്കുക എന്നതാണ്. അതുപോലെ ചർമ്മത്തെ ഈർപ്പമുള്ളതാക്കാന് സഹായിക്കുന്ന ചില ഭക്ഷണങ്ങളുണ്ട്. അവ ഏതൊക്കെയാണെന്ന് നോക്കാം.
വരണ്ട ചര്മ്മം ആണോ നിങ്ങളെ അലട്ടുന്നത്? വരണ്ട ചര്മ്മത്തെ അകറ്റാന് ആദ്യം ചെയ്യേണ്ടത് വെള്ളം ധാരാളം കുടിക്കുക എന്നതാണ്. അതുപോലെ ചർമ്മത്തെ ഈർപ്പമുള്ളതാക്കാന് സഹായിക്കുന്ന ചില ഭക്ഷണങ്ങളുണ്ട്. അവ ഏതൊക്കെയാണെന്ന് നോക്കാം.
1. നെല്ലിക്ക
വിറ്റാമിന് സി ധാരാളം അടങ്ങിയ നെല്ലിക്ക ഡയറ്റില് ഉള്പ്പെടുത്തുന്നത് ചർമ്മത്തെ ഈർപ്പമുള്ളതാക്കാനും സുന്ദരമാക്കാനും സഹായിക്കും.
2. സിട്രസ് പഴങ്ങള്
സിട്രസ് പഴങ്ങളായ ഓറഞ്ച്, ഗ്രേപ്ഫ്രൂട്ട് എന്നിവയിൽ വിറ്റാമിൻ സി ധാരാളം അടങ്ങിയിട്ടുണ്ട്. ഇത് കൊളാജൻ ഉൽപാദനത്തിനും ചർമ്മത്തിലെ ഈർപ്പം നിലനിർത്തുന്നതിനും ഗുണം ചെയ്യും.
3. പേരയ്ക്ക, പപ്പായ
വിറ്റാമിനുകളായ എ, സി തുടങ്ങിയവ അടങ്ങിയ പേരയ്ക്ക, പപ്പായ തുടങ്ങിയ പഴങ്ങള് കഴിക്കന്നതും ചർമ്മത്തെ ഈർപ്പമുള്ളതാക്കാന് സഹായിക്കും.
4. മധുരക്കിഴങ്ങ്
ബീറ്റാ കരോട്ടിന് അടങ്ങിയ മധുരക്കിഴങ്ങ് കഴിക്കുന്നതും ചര്മ്മത്തിന്റെ വരള്ച്ചയെ തടയാനും ചര്മ്മത്തിന്റെ ആരോഗ്യം സംരക്ഷിക്കാനും സഹായിക്കും.
5. ചീര
വിറ്റാമിനുകളും ആന്റി ഓക്സിഡന്റുകളും അടങ്ങിയ ചീര പോലെയുള്ള ഇലക്കറികളും ചര്മ്മത്തിലെ വരള്ച്ച അകറ്റാന് സഹായിക്കും.
6. വെള്ളരിക്ക
വെള്ളരിക്കയില് 96% വെള്ളം അടങ്ങിയിട്ടുണ്ട്. അതിനാല് വെള്ളരിക്ക കഴിക്കുന്നതും ചർമ്മത്തിലെ ജലാംശം മെച്ചപ്പെടുത്താന് സഹായിക്കും.
7. അവക്കാഡോ
അവക്കാഡോയിൽ ആരോഗ്യകരമായ കൊഴുപ്പുകള് അടങ്ങിയിട്ടുണ്ട്. കൂടാതെ വിറ്റാമിനുകളും ആന്റി ഓക്സിഡന്റുകളും അവക്കാഡോയിലുണ്ട്. അതിനാല് ഇവ ചര്മ്മത്തെ ഈർപ്പമുള്ളതാക്കാന് സഹായിക്കും.
8. വാള്നട്സ്
ഒമേഗ 3 ഫാറ്റി ആസിഡും മറ്റ് വിറ്റാമിനുകളും അടങ്ങിയ വാള്നട്സ് കഴിക്കുന്നതും ചര്മ്മം ഈർപ്പമുള്ളതാക്കാനും ചര്മ്മത്തിന്റെ ആരോഗ്യം സംരക്ഷിക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ഇറിറ്റബിള് ബവല് സിന്ഡ്രോം രോഗികള് ഡയറ്റില് നിന്നും ഒഴിവാക്കേണ്ട ഭക്ഷണങ്ങള്