എപ്പോഴും കട്ടിലില് തന്നെ കിടക്കാനാണോ ഇഷ്ടം? ഉടനടി ക്ഷീണമകറ്റാനും ഊർജ്ജം ലഭിക്കാനും കഴിക്കാം ഈ ഭക്ഷണങ്ങള്...
Synopsis
പല കാരണങ്ങള് കൊണ്ടും ക്ഷീണം ഉണ്ടാകാം. എന്നാല് ഭക്ഷണത്തിലൂടെ കൃത്യമായ ഊർജ്ജം ലഭിച്ചില്ലെങ്കിലും ക്ഷീണം തോന്നാം.
ഒന്നും ചെയ്യാന് തോന്നാത്ത വിധം ക്ഷീണമാണോ? പല കാരണങ്ങള് കൊണ്ടും ക്ഷീണം ഉണ്ടാകാം. എന്നാല് ഭക്ഷണത്തിലൂടെ കൃത്യമായ ഊർജ്ജം ലഭിച്ചില്ലെങ്കിലും ക്ഷീണം തോന്നാം. അത്തരക്കാര് ഡയറ്റില് ഉള്പ്പെടുത്തേണ്ട ഊർജ്ജം നൽകുന്ന ചില ഭക്ഷണങ്ങളെ പരിചയപ്പെടാം...
ഒന്ന്...
തൈരാണ് ആദ്യമായി ഈ പട്ടികയില് ഉള്പ്പെടുന്നത്. പ്രോട്ടീന് ധാരാളം അടങ്ങിയ തൈര് ഡയറ്റില് ഉള്പ്പെടുത്തുന്നത് ശരീരത്തിന് ഊർജ്ജം നല്കാന് സഹായിക്കും. കുടലിന്റെ ആരോഗ്യത്തിനും ഇവ നല്ലതാണ്.
രണ്ട്...
ബെറി പഴങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. ബ്ലൂബെറി, സ്ട്രോബെറി, ബ്ലാക്ക്ബെറി, റാസ്ബെറി തുടങ്ങിയവയില് അടങ്ങിയിരിക്കുന്ന വിറ്റാമിനുകള്, ആന്റി ഓക്സിഡന്റുകള് എന്നിവ എന്ര്ജി നല്കാന് സഹായിക്കും. ഫൈബറും ആന്റിഓക്സിഡന്റുകളും ധാരാളം അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കുകയും ചെയ്യും.
മൂന്ന്...
നട്സാണ് അടുത്തതായി ഈ പട്ടികയില് ഉള്പ്പെടുന്നത്. പ്രോട്ടീനും മഗ്നീഷ്യവും അയേണും വിറ്റാമിന് ഇ, സി, സിങ്ക്, ഒമേഗ 3 ഫാറ്റി ആസിഡ് തുടങ്ങിയവയൊക്കെ അടങ്ങിയ ഇവ കഴിക്കുന്നതും ശരീരത്തിന് വേണ്ട ഊര്ജം ലഭിക്കാന് സഹായിക്കും.
നാല്...
സീഡുകളാണ് നാലാമതായി ഈ പട്ടികയില് ഉള്പ്പെടുന്നത്. പ്രോട്ടീനുകള് ധാരാളം അടങ്ങിയ ചിയ വിത്തുകള് പോലെയുള്ള സീഡുകള് ഡയറ്റില് ഉള്പ്പെടുത്തുന്നതും ഊര്ജ്ജം പകരാന് സഹായിക്കും.
അഞ്ച്...
ചീരയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് എ, സി, കെ, അയേണ്, കാത്സ്യം തുടങ്ങിയവ അടങ്ങിയ ചീരയും ഊര്ജ്ജം പകരാന് സഹായിക്കും.
ആറ്...
ഓട്സ് ആണ് അവസാനമായി ഈ പട്ടികയില് ഉള്പ്പെടുന്നത്. കാര്ബോ, ഫൈബര്, വിറ്റാമിന് ബി തുടങ്ങിയവ അടങ്ങിയ ഓട്സ് ഡയറ്റില് ഉള്പ്പെടുത്തുന്നതും ശരീരത്തിന് ഊര്ജ്ജം ലഭിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.