ബിപി കുറയ്ക്കാന് ഈ അഞ്ച് ഭക്ഷണങ്ങള് പതിവാക്കൂ...
Synopsis
രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. അത്തരത്തില് ഉയര്ന്ന രക്തസമ്മര്ദ്ദത്തെ കുറയ്ക്കാന് കഴിക്കേണ്ട ഭക്ഷണങ്ങള് ഏതൊക്കെയാണെന്ന് നോക്കാം...
ഉയര്ന്ന രക്തസമ്മര്ദ്ദം ഇന്ന് പലരെയും ബാധിക്കുന്ന ഒരു ആരോഗ്യ പ്രശ്നമായി മാറിയിരിക്കുന്നു. രക്തസമ്മർദ്ദം യഥാസമയം കണ്ടുപിടിക്കാതിരിക്കുന്നതും ചികിത്സ തേടാതിരിക്കുന്നതും ഹൃദയത്തിന്റെ ആരോഗ്യത്തെയും ബാധിക്കാം. രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. അത്തരത്തില് ഉയര്ന്ന രക്തസമ്മര്ദ്ദത്തെ കുറയ്ക്കാന് കഴിക്കേണ്ട ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
വാഴപ്പഴമാണ് ആദ്യമായി ഈ പട്ടികയില് ഉള്പ്പെടുന്നത്. പൊട്ടാസ്യം ധാരാളം അടങ്ങിയ പഴം കഴിക്കുന്നത് ഉയര്ന്ന രക്തസമ്മര്ദ്ദം കുറയ്ക്കാന് സഹായിക്കും. ഹൃദയാരോഗ്യം സംരക്ഷിക്കാനും ഇവ സഹായിക്കും.
രണ്ട്...
ചീരയാണ് രണ്ടാമതായി ഈ പട്ടികയില് ഉള്പ്പെടുന്നത്. ഇതിൽ അടങ്ങിയിരിക്കുന്ന പൊട്ടാസ്യം, നൈട്രേറ്റുകൾ, ആന്റി ഓക്സിഡന്റുകൾ എന്നിവ ഉയർന്ന രക്തസമ്മർദ്ദത്തെ കുറയ്ക്കാന് സഹായിക്കും.
മൂന്ന്...
ബീറ്റ്റൂട്ട് ആണ് അടുത്തതായി ഈ പട്ടികയില് ഉള്പ്പെടുന്നത്. ബീറ്റ്റൂട്ടിൽ നൈട്രേറ്റുകൾ ധാരാളമായി
അടങ്ങിയിട്ടുണ്ട്. ഇത് രക്തക്കുഴലുകളെ വിശ്രമിക്കാനും രക്തയോട്ടം മെച്ചപ്പെടുത്താനും സഹായിക്കുന്നു. അതിനാല് പതിവായി ബീറ്റ്റൂട്ട് കഴിക്കുന്നത് ഉയര്ന്ന രക്തസമ്മര്ദ്ദത്തെ തടയാന് സഹായിക്കും.
നാല്...
വാള്നട്സ് ആണ് നാലാമതായി ഈ പട്ടികയില് ഉള്പ്പെടുന്നത്. സിങ്ക്, കാത്സ്യം, മറ്റ് ആന്റി ഓക്സിഡന്റുകള് എന്നിവയടങ്ങിയ വാള്നട്സ് കഴിക്കുന്നത് ഉയര്ന്ന രക്തസമ്മര്ദ്ദത്തെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. ഒമേഗ 3 ഫാറ്റി ആസിഡ് അടങ്ങിയ വാള്നട്സ് കഴിക്കുന്നത് തലച്ചോറിന്റെ ആരോഗ്യത്തിനും ഗുണം ചെയ്യും.
അഞ്ച്...
മാതളം ആണ് അവസാനമായി ഈ പട്ടികയില് ഉള്പ്പെടുന്നത്. വിറ്റാമിൻ സി, കെ, ബി തുടങ്ങി നിരവധി പോഷകങ്ങളടങ്ങിയ ഇവയും ഉയര്ന്ന രക്തസമ്മര്ദ്ദത്തെ നിയന്ത്രിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also read: പച്ച പപ്പായ ഡയറ്റില് ഉള്പ്പെടുത്തൂ; അറിയാം ഈ ഗുണങ്ങള്...