ബിപി കുറയ്ക്കാന് ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...
Synopsis
മാനസിക സമ്മർദ്ദം, അമിതമായ ഉപ്പിന്റെ ഉപയോഗം, അമിത വണ്ണം, പുകവലി, മദ്യപാനം, തുടങ്ങിയവ രക്തസമ്മർദ്ദം വര്ധിക്കാന് കാരണമാകും. രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്.
ഉയര്ന്ന രക്തസമ്മര്ദ്ദം ആണ് ഇന്ന് പലരുടെയും ജീവിതത്തിലെ വില്ലന്. മാനസിക സമ്മർദ്ദം, അമിതമായ ഉപ്പിന്റെ ഉപയോഗം, അമിത വണ്ണം, പുകവലി, മദ്യപാനം, തുടങ്ങിയവ രക്തസമ്മർദ്ദം വര്ധിക്കാന് കാരണമാകും. രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. അത്തരത്തില് ഉയര്ന്ന രക്തസമ്മര്ദ്ദത്തെ അഥവാ ബിപി കുറയ്ക്കാന് കഴിക്കേണ്ട ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
വാഴപ്പഴം ആണ് ആദ്യമായി ഈ പട്ടികയില് ഉള്പ്പെടുന്നത്. പൊട്ടാസ്യം ധാരാളം അടങ്ങിയ വാഴപ്പഴം കഴിക്കുന്നത് സോഡിയത്തിന്റെ അളവിനെ നിയന്ത്രിക്കാനും അതുവഴി ഉയര്ന്ന രക്തസമ്മര്ദ്ദത്തെ കുറയ്ക്കാനും സഹായിക്കും.
രണ്ട്...
ബീറ്റ്റൂട്ട് ആണ് രണ്ടാമതായി ഈ പട്ടികയില് ഉള്പ്പെടുന്നത്. ബീറ്റ്റൂട്ടിൽ നൈട്രേറ്റുകൾ ധാരാളമായി അടങ്ങിയിട്ടുണ്ട്. ഇത് രക്തക്കുഴലുകളെ വിശ്രമിക്കാനും ഉയര്ന്ന രക്തസമ്മര്ദ്ദത്തെ തടയാനും സഹായിക്കും.
മൂന്ന്...
സ്ട്രോബെറിയാണ് അടുത്തതായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ ഇവ ഉയര്ന്ന രക്തസമ്മര്ദ്ദത്തെ കുറയ്ക്കാന് സഹായിക്കും.
നാല്...
ഇലക്കറികളാണ് നാലാമതായി ഈ പട്ടികയില് ഉള്പ്പെടുന്നത്. ഇതിൽ അടങ്ങിയിരിക്കുന്ന ആന്റി ഓക്സിഡന്റുകൾ, നൈട്രേറ്റുകൾ, ഇരുമ്പ് എന്നിവ ഉയർന്ന രക്തസമ്മർദ്ദത്തെ നിയന്ത്രിക്കാന് സഹായിക്കും.
അഞ്ച്...
ഓറഞ്ചാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് സി, വിറ്റാമിന് ബി6, മഗ്നീഷ്യം തുടങ്ങിയവ ധാരാളം അടങ്ങിയതാണ് ഓറഞ്ച്. അതിനാല് ഇവ കഴിക്കുന്നതും ഉയര്ന്ന രക്തസമ്മര്ദ്ദത്തെ കുറയ്ക്കാന് സഹായിക്കും.
ആറ്...
ഓട്മീല് ആണ് അവസാനമായി ഈ പട്ടികയില് ഉള്പ്പെടുന്നത്. ഫൈബറും മറ്റും അടങ്ങിയ ഇവ കഴിക്കുന്നതും ബിപി കുറയ്ക്കാന് ഗുണം ചെയ്യും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also read: പൊള്ളുന്ന ചൂടില് ശരീരം തണുപ്പിക്കാന് ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...