തൈര് മാത്രമല്ല, ഈ ഭക്ഷണങ്ങളും വയറിന്റെ ആരോഗ്യത്തിനായി കഴിക്കാം...
Synopsis
വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന 'പ്രോബയോട്ടിക്സ്' ഭക്ഷണങ്ങള് കഴിക്കുന്നത് ഇത്തരം പ്രശ്നങ്ങളെ അകറ്റാനും വയറിന്റെ ആരോഗ്യം സംരക്ഷിക്കാനും സഹായിക്കും.
ഭക്ഷണം കഴിച്ചതിന് ശേഷം വയര് നന്നായി വീര്ത്തിരിക്കുന്ന പോലെയും അസിഡിറ്റിയും അനുഭവപ്പെടുന്നുണ്ടോ? എങ്കിൽ അത് അനാരോഗ്യകരമായ കുടലിന്റെ ലക്ഷണമാകാം. വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന 'പ്രോബയോട്ടിക്സ്' ഭക്ഷണങ്ങള് കഴിക്കുന്നത് ഇത്തരം പ്രശ്നങ്ങളെ അകറ്റാനും വയറിന്റെ ആരോഗ്യം സംരക്ഷിക്കാനും സഹായിക്കും. അത്തരത്തില് പ്രോബയോട്ടിക്കിനാല് സമ്പന്നമാണ് തൈര്.
ദിവസവും തൈര് ഡയറ്റില് ഉള്പ്പെടുത്തുന്നത് ദഹനം മെച്ചപ്പെടുത്താനും വയറ്റിലെ അസ്വസ്ഥതകള് കുറയ്ക്കാനും വയറിന്റെയും കുടലിന്റെയും ആരോഗ്യത്തെ നിലനിര്ത്താനും സഹായിക്കും. തൈരിന് പുറമേ മറ്റ് ചില ഭക്ഷണങ്ങളും വയറിന്റെ ആരോഗ്യം സംരക്ഷിക്കാന് സഹായിക്കും. അത്തരത്തില് കുടലിന്റെ ആരോഗ്യത്തിനായി ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
ഒന്ന്...
മഞ്ഞളാണ് ആദ്യമായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ മഞ്ഞള് ഡയറ്റില് ഉള്പ്പെടുത്തുന്നത് വയറിന്റെ ആരോഗ്യത്തിന് ഏറെ ഗുണം ചെയ്യും.
രണ്ട്...
ബട്ടര്മില്ക്ക് ആണ് രണ്ടാമതായി ഈ പട്ടികയില് ഉള്പ്പെടുന്നത്. പ്രോബയോട്ടിക്കിനാല് സമ്പന്നമാണ് ബട്ടര്മില്ക്ക്. അതിനാല് ബട്ടര്മില്ക്ക് കഴിക്കുന്നതും ദഹനത്തിനും വയറിന്റെ ആരോഗ്യത്തിനും നല്ലതാണ്.
മൂന്ന്...
നെല്ലിക്കയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ നെല്ലിക്കയും വയറിന്റെ ആരോഗ്യത്തിന് നല്ലതാണ്. ഇവ വയറിളക്കം, വയറുവേദന തുടങ്ങിയവയെ തടയാന് സഹായിക്കും.
നാല്...
മിക്ക കറികളിലും നാം ഉപയോഗിക്കുന്ന ഒന്നാണ് ഉള്ളിയും സവാളയുമൊക്കെ. നമ്മുടെ ശരീരത്തിനാവശ്യമായ തരത്തിലുള്ള ബാക്ടീരിയകളെ നിലനിര്ത്താന് ഉള്ളി സഹായിക്കും. ദഹനപ്രവര്ത്തനങ്ങള് എളുപ്പത്തിലാക്കാനും ഇത് സഹായിക്കും.
അഞ്ച്...
നെയ്യാണ് അവസാനമായി ഈ പട്ടികയില് ഉള്പ്പെടുന്നത്. നെയ്യിൽ ബ്യൂട്ടിറിക് ആസിഡ് അടങ്ങിയിരിക്കുന്നതിനാൽ, ഇത് നമ്മുടെ ദഹനവ്യവസ്ഥയ്ക്ക് വളരെ പ്രയോജനകരമാണ്. ഈ ആസിഡ് ദോഷകരമായ ബാക്ടീരിയകളുടെ വളർച്ച തടയുന്നു.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: ഗോൾഡൻ ബെറി കഴിക്കാറുണ്ടോ? അറിയാം ഈ അത്ഭുതകരമായ ഗുണങ്ങൾ...