മഞ്ഞുകാലത്ത് ഡയറ്റില് ഉള്പ്പെടുത്താം ഈ അഞ്ച് പഴങ്ങള്...
Synopsis
മഞ്ഞുകാലത്ത് പഴങ്ങള് കഴിക്കാന് പലര്ക്കും മടിയാണ്. തണുപ്പത്ത് പഴങ്ങള് കഴിക്കുന്നത് മൂലം തൊണ്ടവേദനയും ജലദോഷവുമൊക്കെ വരുമെന്ന് ഭയപ്പെടുന്നവരുമുണ്ട്.
ശരീരത്തിന്റെ ആരോഗ്യത്തിനും ചർമ്മത്തിന്റെ ആരോഗ്യത്തിനും പ്രത്യേകം കരുതൽ നൽകേണ്ട കാലമാണ് മഞ്ഞുകാലം. ഭക്ഷണത്തിൽ കുറച്ച് ശ്രദ്ധിച്ചാല് തന്നെ ഒരുപരിധി വരെ മഞ്ഞുകാല പ്രശ്നങ്ങളെ തടയിടാനാകും. മഞ്ഞുകാലത്ത് പ്രതിരോധശേഷി കൈവരിക്കാനും ഇത് സഹായിക്കും.
മഞ്ഞുകാലത്ത് പഴങ്ങള് കഴിക്കാന് പലര്ക്കും മടിയാണ്. തണുപ്പത്ത് പഴങ്ങള് കഴിക്കുന്നത് മൂലം തൊണ്ടവേദനയും ജലദോഷവുമൊക്കെ വരുമെന്ന് ഭയപ്പെടുന്നവരുമുണ്ട്. എന്നാല് മഞ്ഞുകാലത്ത് സീസണൽ പഴങ്ങള് ഡയറ്റില് ഉള്പ്പെടുത്തണം എന്നാണ് ന്യൂട്രീഷ്യന്മാര് പറയുന്നത്. അത്തരത്തില് മഞ്ഞുകാലത്ത് ഡയറ്റില് ഉള്പ്പെടുത്തേണ്ട ചില പഴങ്ങളെ പരിചയപ്പെടാം...
ഒന്ന്...
ആപ്പിളാണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിന് സി ഉള്പ്പെടെ നിരവധി ആന്റിഓക്സിഡന്റുകള് അടങ്ങിയിട്ടുളളതാണ് ആപ്പിള്. ഇവ പ്രതിരോധശേഷി കൂട്ടാന് സഹായിക്കും. കൂടാതെ ആപ്പിള് ഡയറ്റില് ഉള്പ്പെടുത്തുന്നത് ശരീരത്തിന്റെ മൊത്തം ആരോഗ്യത്തിനും നല്ലതാണ്.
രണ്ട്...
പിയറാണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് സിയും ഇയും ആന്റിഓക്സിഡന്റുകളും ധാരാളം അടങ്ങിയ പിയർ പഴം കഴിക്കുന്നത് പ്രതിരോധശേഷി വര്ധിപ്പിക്കാന് സഹായിക്കും. ചര്മ്മത്തിന്റെ ആരോഗ്യത്തിനും വിറ്റാമിന് സിയുടെ കലവറയായ ഇവ കഴിക്കാവുന്നതാണ്.
മൂന്ന്...
മാതളം ആണ് അടുത്തതായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ മാതളം മഞ്ഞുകാലത്ത് പ്രതിരോധശേഷി വര്ധിപ്പിക്കാന് ഡയറ്റില് ഉള്പ്പെടുത്താം. മാതളം ജ്യൂസായി കുടിക്കുന്നത് ചര്മ്മത്തിന്റെ ആരോഗ്യത്തിനും നല്ലതാണ്.
നാല്...
ഓറഞ്ച് പോലുള്ള സിട്രസ് ഫ്രൂട്ട്സില് വിറ്റാമിന് സി ധാരാളമായി അടങ്ങിയിരിക്കുന്നു. വിറ്റാമിന് സി അടങ്ങിയ ഓറഞ്ച് രോഗ പ്രതിരോധശേഷി വര്ധിപ്പിക്കാന് സഹായിക്കും.
അഞ്ച്...
കിവിയാണ് അവസാനമായി ഈ പട്ടികയില് ഉള്പ്പെടുന്നത്. വിറ്റാമിന് സി ധാരാളം അടങ്ങിയ കിവി കഴിക്കുന്നത് രോഗ പ്രതിരോധശേഷി വര്ധിപ്പിക്കാനും സഹായിക്കും.
മഞ്ഞുകാലത്ത് കഴിക്കാവുന്ന മറ്റ് ഭക്ഷണങ്ങള്: ചീര, ക്യാരറ്റ്, മധുരക്കിഴങ്ങ്, ബീന്സ്, ഉലുവ.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: മഞ്ഞുകാലത്ത് നെയ്യ് കഴിക്കുന്നത് കൊണ്ടുള്ള ആരോഗ്യ ഗുണങ്ങള്...