ഹെല്‍ത്തി പനീർ സൂപ്പ് തയ്യാറാക്കാം എളുപ്പത്തില്‍; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് ആശ രാജനാരായണൻ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

പനീർ കൊണ്ട് നല്ല ഹെല്‍ത്തി സൂപ്പ് തയ്യാറാക്കിയാലോ?

വേണ്ട ചേരുവകൾ

പനീർ - 2 കപ്പ്

വെണ്ണ  -2 സ്പൂൺ

വെളുത്തുള്ളി -1 സ്പൂൺ

ഇഞ്ചി -1സ്പൂൺ

ക്യാരറ്റ് -1 കപ്പ്

ബീൻസ് - 1 കപ്പ്

ക്യാബേജ് -1/2 കപ്പ്

കോൺ ഫ്ലോർ - 2 സ്പൂൺ

പാൽ -1 ഗ്ലാസ്‌

ഉപ്പ് -1 സ്പൂൺ

കുരുമുളക് -2 സ്പൂൺ

തയ്യാറാക്കുന്ന വിധം

വെണ്ണ ഒരു ചട്ടിയിലേക്ക് ഇട്ടുകൊടുത്തതിന് ശേഷം നന്നായി ചൂടായി കഴിയുമ്പോൾ അതിലേക്ക് ആവശ്യത്തിന് ഇഞ്ചിയും വെളുത്തുള്ളിയും വെജിറ്റബിൾസും ചേർത്ത് നല്ലപോലെ വഴറ്റിയെടുക്കുക. അതിനുമുമ്പായിട്ട് വെണ്ണയിലേക്ക് തന്നെ പനീർ ചേർത്ത് നന്നായിട്ട് വറുത്ത് മാറ്റി വയ്ക്കുക. അതിനുശേഷം വഴറ്റി വെച്ചിട്ടുള്ള വെജിറ്റബിൾസിലേക്ക് ആവശ്യത്തിന് വെള്ളം ഒഴിച്ച് നല്ലപോലെ വേവിച്ച് അതിലേക്ക് ഉപ്പും കുരുമുളകുപൊടിയും ആവശ്യത്തിന് കോൺഫ്ലോർ ചേര്‍ത്ത് വെള്ളത്തിൽ ഒഴിച്ചുകൊടുക്കാൻ നന്നായിട്ട് തിളപ്പിച്ച് കുറുക്കിയെടുക്കുക. അതിലേക്ക് കുരുമുളകുപൊടിയും ചേർത്ത് ആവശ്യത്തിന് പനീറും ചേർത്തു കൊടുത്ത് നന്നായിട്ട് തിളച്ച കുറുകി വരുമ്പോൾ അതിലേക്ക് ആവശ്യത്തിന് മല്ലിയില കൂടി ചേർത്ത് കൊടുക്കാവുന്നതാണ്.