ഗ്രീൻ പീസ് കൊണ്ട് ഹെല്‍ത്തി സൂപ്പ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് ഷിബി സാറ സക്കറിയ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഗ്രീൻ പീസ് കൊണ്ട് നല്ല ഹെല്‍ത്തി സൂപ്പ് തയ്യാറാക്കിയാലോ?

വേണ്ട ചേരുവകൾ

ഗ്രീൻ പീസ് - 2 കപ്പ്

വെണ്ണ - 2 സ്പൂൺ

വെളുത്തുള്ളി -2 സ്പൂൺ

മല്ലിയില-2 സ്പൂൺ

ഉപ്പ് -1 സ്പൂൺ

കുരുമുളക് -1 സ്പൂൺ

ഫ്രഷ് ക്രീം - 1/4 കപ്പ്

തയ്യാറാക്കുന്ന വിധം

ഗ്രീൻ പീസ് നന്നായിട്ട് ഒന്ന് വേവിച്ചെടുക്കുക. എന്നിട്ട് ഒരു പാത്രത്തിലേക്ക് കുറച്ച് ബട്ടർ ചേർത്ത് അതിലേക്ക് ആദ്യം കുറച്ച് വെളുത്തുള്ളി ചെറിയ കഷണങ്ങളായിട്ട് മുറിച്ചതിനുശേഷം നന്നായിട്ടൊന്ന് വഴറ്റിയെടുക്കുക. ശേഷം അതിലേക്ക് കുറച്ച് മല്ലിയില കൂടി ചേർത്ത് നന്നായിട്ടൊന്ന് വഴറ്റി എടുത്തതിനുശേഷം വേവിച്ച ഗ്രീൻപീസ് കൂടി ഇതിലേക്ക് ചേർത്ത് നന്നായി വഴറ്റി എടുക്കുക. ശേഷം ഇതിലേക്ക് ആവശ്യത്തിന് ഉപ്പും കുരുമുളകുപൊടിയും ചേർത്തു നന്നായിട്ടൊന്ന് വഴറ്റി എടുത്തതിനുശേഷം ആവശ്യത്തിന് വെള്ളം ഒഴിച്ച് കുറച്ചുകൂടി ഒന്ന് വേവിച്ചെടുക്കുക. ശേഷം മിക്സഡ് ജാറിലേക്ക് ഇത് ഇട്ടുകൊടുത്തതിന് പിന്നാലെ നന്നായിട്ട് ഒന്ന് അരച്ചെടുക്കുക. അതിനുശേഷം ഒരു പാത്രത്തിലേക്ക് ഒഴിച്ച് കൊടുത്തതിനു ശേഷം ഫ്രഷ് ക്രീം കൂടി ചേർത്ത് നല്ലപോലെ ഇളക്കി യോജിപ്പിച്ച് എടുക്കാം.