മുരിങ്ങയില കൊണ്ട് സൂപ്പര്‍ സൂപ്പ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് പ്രഭ കൈലാസ് തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

പോഷകങ്ങളാല്‍ സമ്പുഷ്ടമാണ് മുരിങ്ങയില. മുരിങ്ങയില കൊണ്ട് നല്ല ഹെല്‍ത്തി സൂപ്പ് തയ്യാറാക്കിയാലോ?

വേണ്ട ചേരുവകൾ

മുരിങ്ങയില - 1 കപ്പ്

ചെറിയ ഉള്ളി - 5 എണ്ണം

ജീരകം -1 സ്പൂൺ

ഉപ്പ് -1 സ്പൂൺ

കുരുമുളക് -1 സ്പൂൺ

വെള്ളം -2 കപ്പ്

തയ്യാറാക്കുന്ന വിധം

ഒരു പാത്രത്തിലേയ്ക്ക് ആവശ്യത്തിന് വെള്ളം ഒഴിച്ച് അതിലേയ്ക്ക് മുരിങ്ങയില ചേർത്ത് കൊടുക്കുക. ഇനി അതിലേയ്ക്ക് ആവശ്യത്തിന് ചെറിയ ഉള്ളിയും ചേർത്ത് നല്ലതുപോലെ വേവിച്ചെടുക്കുക. അതിനുശേഷം ഇതൊന്ന് അരച്ചെടുക്കുക. തുടര്‍ന്ന് അരിച്ചെടുത്ത് വീണ്ടും വെള്ളം ഒഴിച്ചു കൊടുക്കുക. അതിലേക്ക് വേണമെങ്കിൽ നിങ്ങൾ കുറച്ചു മല്ലിയില കൂടി ചേർത്തു കൊടുക്കാം. ഇനി അതിലേക്ക് ആവശ്യത്തിന് ഉപ്പും കുരുമുളകുപൊടിയും ചേർത്ത് ജീരക പൊടിയും ചേർത്ത് നന്നായിട്ട് തിളപ്പിച്ചെടുക്കുക. ജീരകം കൂടി അരച്ച് ഇതിലേക്ക് ചേർക്കുന്നതും നന്നായിരിക്കും. നന്നായിട്ട് തിളച്ച് കുറുകി വരുമ്പോൾ ഉപയോഗിക്കാവുന്നതാണ്.