ചൂടോടെ കുടിക്കാൻ ഓട്സ് സൂപ്പ് തയ്യാറാക്കിയാലോ? ഇതാ റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് വിനോദ് രാമകൃഷ്ണന്‍ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഈ മഴക്കാലത്ത് പ്രതിരോധശേഷി വർധിപ്പിക്കാനും ദഹനം മെച്ചപ്പെടുത്താനും നല്ല ഹെല്‍ത്തി ഓട്സ് സൂപ്പ് കുടിച്ചാലോ?

വേണ്ട ചേരുവകൾ

ഓട്സ് -1/2 കപ്പ്

ഒലീവ് ഓയിൽ -1 സ്പൂൺ

വെളുത്തുള്ളി -1/2 സ്പൂൺ

ക്യാരറ്റ് -1/4 കപ്പ്

ബീൻസ് -1/4 കപ്പ്

ക്യാപ്‌സികം - 1/4 കപ്പ്

സവാള - 2 സ്പൂൺ

മല്ലിയില - 2 സ്പൂൺ

ഉപ്പ് -1 സ്പൂൺ

ജീരക പൊടി - 1/2 സ്പൂൺ

കുരുമുളക് പൊടി -1 സ്പൂൺ

തയ്യാറാക്കുന്ന വിധം

ഒരു പാൻ വച്ച് ചൂടാകുമ്പോൾ അതിലേയ്ക്ക് ആവശ്യത്തിന് ഒലീവ് ഓയിൽ ഒഴിച്ചുകൊടുക്കുക. ശേഷം വെളുത്തുള്ളി നല്ലതുപോലെ ഒന്ന് വഴറ്റി എടുക്കുക. അതിനുശേഷം ക്യാരറ്റ്, ബീൻസ്, കുറച്ച് സവാള ചെറുതായി അരിഞ്ഞത്, ക്യാപ്സിക്കം എന്നിവ നല്ലതുപോലെ വഴറ്റിയതിനുശേഷം ഇതിലേക്ക് കുറച്ച് ഓട്സ് ചേർത്ത് കൊടുത്ത് നല്ലപോലെ വഴറ്റിയെടുത്ത് ആവശ്യത്തിന് വെള്ളം ഒഴിക്കുക. ശേഷം അതിലേക്ക് ഉപ്പും കുരുമുളകുപൊടിയും ജീരകപ്പൊടിയും ചേർത്ത് നന്നായിട്ട് തിളപ്പിച്ച് എടുക്കുക. തിളപ്പിച്ച് കുറുകി വന്നു കഴിയുമ്പോൾ ഇതിലേക്ക് മല്ലിയില കൂടി ചേർത്തു കൊടുക്കാവുന്നതാണ്.