കിടിലൻ ടേസ്റ്റില്‍ ചീര കട്​ലറ്റ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കട്‌ലറ്റ് റെസിപ്പികള്‍. ഇന്ന് ദീപ നായർ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ചീര കൊണ്ട് ഹെല്‍ത്തി കട്‌ലറ്റ് തയ്യാറാക്കിയാലോ?

വേണ്ട ചേരുവകൾ

ചീര ചെറുതായി മുറിച്ചത് - 1കപ്പ്

ഉള്ളി ചെറുതായി മുറിച്ചത് - 1/4 കപ്പ്

വെളുത്തുള്ളി ചെറുതായി മുറിച്ചത് - 1 ടീസ്പൂൺ

പച്ചമുളക് പൊടിയായി മുറിച്ചത് - 2 ടീസ്പൂൺ

പുതിന ഇല ചെറുതായി മുറിച്ചത് - 1 ടേബിൾസ്പൂൺ

വേവിച്ച് ഉടച്ച ഉരുളക്കിഴങ്ങ് - 1/2 കപ്പ്

റിഫൈൻഡ് ഓയിൽ - 2 ടീസ്പൂൺ

ഉപ്പ് - ആവശ്യത്തിന്

മഞ്ഞൾപ്പൊടി - 1/4 ടീസ്പൂൺ

ഗരംമസാല - 1/2 ടീസ്പൂൺ

കുരുമുളകുപൊടി - 1 ടീസ്പൂൺ

റിഫൈൻഡ് ഓയിൽ വറുത്തെടുക്കാൻ വേണ്ടത്

2 ടീസ്പൂൺ മൈദ 1/4 കപ്പ് വെള്ളത്തിൽ കലക്കിയത്

റസ്ക്പൊടി - ആവശ്യത്തിന്

തയ്യാറാക്കുന്ന വിധം

ആദ്യം 2 ടീസ്പൂൺ എണ്ണ ചൂടാക്കി സവാള ചേർത്തു വഴറ്റുക. ശേഷം വെളുത്തുള്ളി, ഇഞ്ചി, പച്ചമുളക് എന്നിവ ചേർത്തിളക്കി പച്ചമണം മാറുന്നതുവരെ വഴറ്റുക. ഇനി ഉപ്പും പൊടിമസാലകളും ചേർത്ത് അല്പനേരം വഴറ്റി ചീര ചേർത്തിളക്കി അടച്ചുവച്ച് വേവിക്കുക. വെന്താൽ ഉരുളക്കിഴങ്ങ് ചേർത്തിളക്കി നല്ലതുപോലെ യോജിപ്പിച്ച് കുറച്ചു നേരം പാകം ചെയ്ത് സ്റ്റൗ ഓഫ് ചെയ്തു ചൂടാറാൻ വയ്ക്കുക. ഇനി ചീര മിക്സ് ഒരേ പോലുള്ള ബോളുകളാക്കി ഡിവൈഡ് ചെയ്ത് കട്‌ലറ്റ് ഷേപ്പിൽ ആക്കി വയ്ക്കുക. ഓരോ കട്‌ലറ്റും മൈദ കലക്കിയ വെള്ളത്തിൽ മുക്കി റസ്ക് പൊടിയിൽ പൊതിഞ്ഞ് ചൂടായ എണ്ണയിലിട്ട് ബ്രൗൺ നിറമാകുന്നതുവരെ വറുത്ത് കോരിയെടുക്കുക. ഇനി ചൂടോടെ ടൊമാറ്റോ സോസോ ഗ്രീൻ ചട്ണിയോ കൂട്ടി കഴിക്കാം.