സൂപ്പര്‍ ഹെല്‍ത്തി മത്തങ്ങ സൂപ്പ് തയ്യാറാക്കാം എളുപ്പത്തില്‍; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് വിനോദ് രാമകൃഷ്ണന്‍ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

മത്തങ്ങ കൊണ്ട് സൂപ്പ് തയ്യാറാക്കുന്ന വിധം എങ്ങനെയാണെന്ന് നോക്കാം.

വേണ്ട ചേരുവകൾ

മത്തങ്ങ - 2 കപ്പ്

ഉള്ളി - 1/2 കപ്പ്

ബട്ടർ - 2 സ്പൂൺ

വെള്ളം - 2 കപ്പ്

ഉപ്പ് - 1 സ്പൂൺ

കുരുമുളക് - 1സ്പൂൺ

മല്ലിയില - 2 സ്പൂൺ

ഫ്രഷ് ക്രീം - 1 ഗ്ലാസ്‌

തയ്യാറാക്കുന്ന വിധം

മത്തങ്ങയും സവാളയും കുറച്ചു വെണ്ണയിൽ നന്നായിട്ടൊന്ന് വഴറ്റി എടുത്തതിനുശേഷം മത്തങ്ങയും ഈ സവാളയും നല്ലപോലെ ഒന്ന് അരച്ചെടുക്കുക. അതിനുശേഷം ഇതിനെ വീണ്ടും പാത്രത്തിലേക്ക് ഒഴിച്ചതിന് ശേഷം ഇതിലേക്ക് ആവശ്യത്തിന് ഫ്രഷ് ക്രീമും ഉപ്പും കുരുമുളകും ചേർത്ത് നല്ലതുപോലെ കുറുക്കി എടുക്കുക. അവസാനം മല്ലിയില ഉപയോഗിച്ച് അലങ്കരിക്കാവുന്നതാണ്.