ഹെല്‍ത്തി വെജ് റാഗി സൂപ്പ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് രശ്മി രഞ്ജിത് തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വീട്ടില്‍ നല്ല ഹെല്‍ത്തിയായിട്ടുള്ള വെജ് റാഗി സൂപ്പ് തയ്യാറാക്കിയാലോ?

വേണ്ട ചേരുവകൾ

റാഗി പൊടി - 4 സ്പൂൺ

ക്യാരറ്റ് -1 കപ്പ്

ബീൻസ് -1 കപ്പ്

ക്യാപ്‌സിക്കം -1/2 കപ്പ്

ഉപ്പ് -1 സ്പൂൺ

കുരുമുളക് പൊടി -1 സ്പൂൺ

സ്പ്രിംഗ് ഒണിയൻ -1/2 കപ്പ്

വെളുത്തുള്ളി -3 സ്പൂൺ

ഇഞ്ചി -1 സ്പൂൺ

വെണ്ണ -3 സ്പൂൺ

സവാള -1/2 കപ്പ്

തയ്യാറാക്കുന്ന വിധം

ഒരു പാൻ വച്ച് ചൂടാകുമ്പോൾ അതിലേയ്ക്ക് ആവശ്യത്തിന് വെണ്ണ ചേർത്ത് അതിലേയ്ക്ക് ക്യാരറ്റും ക്യാപ്സിക്കവും ബീൻസും വെളുത്തുള്ളിയും ചേർത്ത് നല്ലതുപോലെ വഴറ്റുക. കൂടാതെ കുറച്ച് സവാളയും ഇഞ്ചിയും കൂടി ചേർത്ത് വീണ്ടും നന്നായി വഴറ്റി യോജിപ്പിച്ച് അതിലേക്ക് ആവശ്യത്തിന് ഉപ്പും കുരുമുളകുപൊടിയും ചേർത്തു വീണ്ടും നന്നായി ഇളക്കി യോജിപ്പിച്ച് ആവശ്യത്തിന് വെള്ളം ഒഴിച്ച് നല്ലതുപോലെ വേവിക്കാന്‍ വയ്ക്കുക. എന്നിട്ട് അതിലേയ്ക്ക് റാഗി വെള്ളത്തിൽ മിക്സ്‌ ചെയ്തത് കൂടി ചേർത്ത് നന്നായിട്ട യോജിപ്പിച്ചു കൊടുക്കുക. ഇനി അതിലേക്ക് ആവശ്യത്തിന് സ്പ്രിങ് ഒണിയനും ഒപ്പം തന്നെ മല്ലിയിലയും കൂടി ചേർത്ത് കൊടുക്കുക. എന്നിട്ട് നല്ലപോലെ തിളച്ചു കുറുകി വരുന്നതുവരെ ഇളക്കി കൊടുക്കുക.