ഓട്സിന്റെ ആരോഗ്യപരമായ ഗുണങ്ങളെ കുറിച്ചു നമ്മള്‍ ധാരാളം കേട്ടിട്ടുണ്ട്. മികച്ച പോഷക ഗുണങ്ങളുള്ള ഓട്സ് പ്രഭാതഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്. ഓട്സ് കൊണ്ട് കിടിലൻ പുട്ട് തയ്യാറാക്കാം....
വേണ്ട ചേരുവകൾ...
1. പുട്ട് പൊടി - 1കപ്പ്
2. ഓട്സ് - 1 കപ്പ്
3. വെള്ളം - പാകത്തിന്
4. ഉപ്പ് - 1/2 ടീസ്പൂൺ
5. തേങ്ങാ - ആവശ്യത്തിന്
തയ്യാറാക്കുന്ന വിധം...
ആദ്യം ഓട്സ് മിക്സിയിലൊന്ന് പൊടിച്ചെടുക്കുക. ഇതിലേക്ക് പുട്ടിന്റെ പൊടിയും ചേർത്ത് യോജിപ്പിച്ച് ഉപ്പും വെള്ളവും ചേർത്ത് നനച്ച് 1/2 മണിക്കൂർ മാറ്റി വയ്ക്കുക.
ഇനി ആവശ്യമായ വെള്ളം ചേർത്ത് ഒന്നുകൂടി മിക്സിയിൽ കറക്കിയെടുക്കുക. ശേഷം പുട്ട് കുറ്റിയിൽ വച്ച് വേവിച്ചെടുക്കുക.