ബ്രേക്ക്ഫാസ്റ്റിന് അടിപൊളി രുചിയിലൊരു പൊടി ദോശ തയ്യാറാക്കിയാലോ?

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം ദോശ റെസിപ്പികള്‍. ഇന്ന് ഷിബി സാറ സക്കറിയ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വേണ്ട ചേരുവകൾ

അരി                                             രണ്ട് കപ്പ്

‍ഉഴുന്ന്                                          കാൽ കപ്പ്

ഉലുവ                                        കാൽ സ്പൂൺ

ഉപ്പ്                                              ആവശ്യത്തിന്

നല്ലെണ്ണ                                     2 സ്പൂൺ

ചമ്മന്തിപ്പൊടി                      2 സ്പൂൺ

തയ്യാറാക്കുന്ന വിധം

ആദ്യം അരിയും ഉഴുന്നും ഉലുവയും നല്ലത് പോലെ കുതിർത്തതിനു ശേഷം അരച്ചെടുക്കുക. അതിനുശേഷം അതിലേക്ക് ആവശ്യത്തിന് ഉപ്പ് കൂടി ചേർത്തു കൊടുക്കുക. ശേഷം സെറ്റാകാനായി മാറ്റിവയ്ക്കുക. ശേഷം ദോശക്കല്ല് ചൂടായി കഴിയുമ്പോൾ അതിലേക്ക് മാവ് ഒഴിച്ച് നന്നായിട്ട് പരത്തി അതിന്റെ മുകളിലായിട്ട് ചമ്മന്തിപ്പൊടി ഇട്ടുകൊടുത്ത് അതിനു മുകളിലായിട്ട് നല്ലെണ്ണ കൂടി ഒഴിച്ചുകൊടുത്ത് നല്ലപോലെ മൊരിയിച്ച് എടുക്കാവുന്നതാണ്. പൊടി ദോശ തയ്യാർ.