കുട്ടികൾക്ക് വെെകുന്നേരങ്ങളിൽ ഉണ്ടാക്കി കൊടുക്കാൻ പറ്റിയ മികച്ചൊരു ഭക്ഷണമാണ് 'ബ്രഡ് ഓംലെറ്റ്'. അൽപം വ്യത്യസ്തമായി ബ്രഡ് ഓംലെറ്റ് ഉണ്ടാക്കി നോക്കിയാലോ...
ബ്രഡും മുട്ടയും മിക്ക വീടുകളിലും ഉണ്ടാകും. ഇവ കൊണ്ട് വളരെ എളുപ്പം തയ്യാറാക്കാവുന്ന വിഭവമാണ് ബ്രഡ് ഓംലെറ്റ്. കുട്ടികൾക്ക് വെെകുന്നേരങ്ങളിൽ ഉണ്ടാക്കി കൊടുക്കാൻ പറ്റിയ മികച്ചൊരു ഭക്ഷണം കൂടിയാണിത്. രുചികരമായ ബ്രഡ് ഓംലെറ്റ് ഉണ്ടാക്കുന്നത് എങ്ങനെയെന്ന് നോക്കാം...
വേണ്ട ചേരുവകൾ...
ബ്രഡ് 4 എണ്ണം
മുട്ട 3 എണ്ണം
സവാള 1 എണ്ണം
കാരറ്റ് 2 എണ്ണം
പച്ചമുളക് 2 എണ്ണം
ഇഞ്ചി 1 ടേബിൾസ്പൂൺ
കുരുമുളക്പൊടി 1 ടീസ്പൂൺ
മഞ്ഞൾപ്പൊടി 1/4 ടീസ്പൂൺ
ഉപ്പ് ആവശ്യത്തിന്
മല്ലിയില ആവശ്യത്തിന്
പാൽ 1/2 കപ്പ്
തയാറാക്കുന്ന വിധം....
ആദ്യം സവാള, കാരറ്റ്, ഇഞ്ചി, പച്ചമുളക്, മല്ലിയില ഇവയെല്ലാം പൊടിയായി അരിഞ്ഞെടുക്കുക. ഇതിലേക്ക് മുട്ട പൊട്ടിച്ചൊഴിച്ച്, കുരുമുളക് പൊടിയും മഞ്ഞൾപ്പൊടിയും ഉപ്പും ചേര്‍ത്തിളക്കുക. ബ്രഡിന്റെ അരിക് വിട്ട് പോകാതെ ഉൾഭാഗം കട്ട് ചെയ്തെടുക്കുക. ഉള്‍ഭാഗത്ത് നിന്ന് എടുത്ത ബ്രഡ് മുട്ട കൂട്ടിലേക്ക് കൈ കൊണ്ട് നന്നായി പൊടിച്ച് ചേര്‍ക്കുക. പാലും ചേർത്ത് നന്നായി ഇളക്കി യോജിപ്പിക്കുക. പാനില്‍ നെയ്പുരട്ടി ചൂടാകുമ്പോള്‍, ബ്രഡിന്റെ അരിക് വച്ച് കൊടുക്കുക. ഇതിന്റെ ഉള്ളിലേക്ക് മുട്ട കൂട്ട് ഒഴിച്ച്, അടച്ചു വച്ച് തീ കുറച്ച് ഒരു ഭാഗം വെന്ത് വരുമ്പോള്‍ മറിച്ചിട്ട് വേവിച്ചെടുക്കുക. ബ്രഡ് ഓംലെറ്റ് തയ്യാറായി...
'ബനാന റോൾ' ഈസിയായി തയ്യാറാക്കാം....