രുചികരമായ പനീർ മസാല തയ്യാറാക്കാം

വളരെ എളുപ്പം തയ്യാറാക്കാൻ പറ്റുന്ന വിഭവമാണ് പനീർ മസാല. രുചികരമായ പനീർ മസാല തയ്യാറാക്കുന്നത് എങ്ങനെയെന്ന് നോക്കാം...

വേണ്ട ചേരുവകൾ...

  എണ്ണ                                                                  പാകത്തിന്
  പനീർ                                                                 350 ഗ്രാം
 ഇഞ്ചി  വെളുത്തുള്ളി പേസ്റ്റ്                       ഒരു വലിയ സ്പൂൺ
  സവാള                                                              ഒന്ന്, അരച്ചത്
കശ്മീരി മുളകുപൊടി                                 ഒരു ചെറിയ സ്പൂണ്‍
  മല്ലിപ്പൊടി                                                    ഒരു വലിയ സ്പൂണ്‍
   ജീരകംപൊടി                                          ഒന്നര ചെറിയ സ്പൂൺ
   കുരുമുളകുപൊടി                                   അര ചെറിയ സ്പൂൺ
   ഗ്രാമ്പൂവും കറുവാപ്പട്ടയും പൊടിച്ചത്  ഒരു ചെറിയ സ്പൂൺ
    കസ്കസ് പൊടിച്ചത്                                    ഒരു വലിയ സ്പൂൺ

5.    തക്കാളി                                                            2 എണ്ണം
       ഉപ്പ്                                                                   പാകത്തിന്
6.    ചില്ലിസോസ്                                           ഒരു ചെറിയ സ്പൂൺ
       ക്രീം                                                                 അരക്കപ്പ്
7.    വെള്ളം                                                           ഒരു കപ്പ്
       ഉപ്പ്                                                                    പാകത്തിന്

തയ്യാറാക്കുന്ന വിധം...

ആദ്യം പാനിൽ അല്പം എണ്ണ ചൂടാക്കി പനീർ കഷണങ്ങൾ ഒന്ന് വഴറ്റിക്കോരി മാറ്റിവയ്ക്കുക.

ഇതേ പാനിൽ സവാള അരച്ചതും ഇഞ്ചി വെളുത്തുള്ളി പേസ്റ്റും ചേർത്തു വഴറ്റിയശേഷം നാലാമത്തെ ചേരുവ ചേർത്തു ചെറുതീയിൽ മൂപ്പിക്കുക.

മസാല മൂത്ത മണം വരുമ്പോൾ തക്കാളിയും ഉപ്പും ചേർത്തിളക്കി ഒന്നു കൂടി വഴറ്റുക. ഇതിലേക്കു ചില്ലിസോസും ക്രീമും ചേർത്തിളക്കുക.

 ഒരു കപ്പ് വെള്ളവും ഉപ്പും ചേർത്തിളക്കി ചൂടായാൽ വറുത്തു വച്ചിരിക്കുന്ന പനീർ കഷണങ്ങളും ചേർത്തിളക്കി ചാറു കുറുകുമ്പോൾ വാങ്ങി വിളമ്പാം.

തയ്യാറാക്കിയത്:

മീന നായർ
തിരുവനന്തപുരം