വയറിലെ കൊഴുപ്പിനെ പുറംതള്ളാന് ഉച്ചയ്ക്ക് ചോറിന് പകരം കഴിക്കാം ഈ അഞ്ച് ഭക്ഷണങ്ങള്...
Synopsis
വണ്ണം കുറയ്ക്കാന് ആഗ്രഹിക്കുന്നവര് ഉച്ചയ്ക്ക് ചോറിന്റെ അളവ് കുറയ്ക്കുന്നതാണ് നല്ലത്. കലോറിയും കാർബോഹൈഡ്രേറ്റും ധാരാളം അടങ്ങിയ ഭക്ഷണങ്ങളില് ഒന്നാണ് ചോറ്. കാർബോഹൈഡ്രേറ്റിന്റെ അളവ് കൂടുന്നത് ശരീരത്തില് കൊഴുപ്പടിയാന് കാരണമാകും.
അടിവയറ്റിലെ കൊഴുപ്പ് കുറയ്ക്കാനും ശരീരഭാരം നിയന്ത്രിക്കാനും ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പെടുത്തുകയാണ് വേണ്ടത്. വണ്ണം കുറയ്ക്കാന് ആഗ്രഹിക്കുന്നവര് ഉച്ചയ്ക്ക് ചോറിന്റെ അളവ് കുറയ്ക്കുന്നതാണ് നല്ലത്. കലോറിയും കാർബോഹൈഡ്രേറ്റും ധാരാളം അടങ്ങിയ ഭക്ഷണങ്ങളില് ഒന്നാണ് ചോറ്. കാർബോഹൈഡ്രേറ്റിന്റെ അളവ് കൂടുന്നത് ശരീരത്തില് കൊഴുപ്പടിയാന് കാരണമാകും.
വണ്ണം കുറയ്ക്കാൻ ആഗ്രഹിക്കുന്നവർ ഉച്ചയ്ക്കും ചോറിന് പകരം കഴിക്കേണ്ട ഭക്ഷണങ്ങള് എന്തൊക്കെയാണെന്ന് നോക്കാം...
ഒന്ന്...
ബാര്ലിയാണ് ആദ്യമായി ഈ പട്ടികയില് ഉള്പ്പെടുന്നത്. അരിയെക്കാള് പ്രോട്ടീനും ഫൈബറും ധാരാളമായി അടങ്ങിയിട്ടുള്ളതാണ് ബാര്ലി. വിറ്റാമിന് ബി, സിങ്ക്, സെലേനിയം, അയേണ്, മഗ്നീഷ്യം തുടങ്ങിയവയും ബാര്ലിയില് അടങ്ങിയിട്ടുണ്ട്. അതിനാല് ബാര്ലി അരിക്ക് പകരം ഡയറ്റില് ഉള്പ്പെടുത്തുന്നത് വണ്ണം കുറയ്ക്കാന് നല്ലതാണ്.
രണ്ട്...
ഓട്സ് ആണ് രണ്ടാമതായി ഈ പട്ടികയില് ഉള്പ്പെടുന്നത്. ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. കൂടാതെ വിറ്റാമിനുകളും മിനറലുകളും ആന്റി ഓക്സിഡന്റുകളും അടങ്ങിയ ഇവയില് പ്രോട്ടീനും ധാരാളം അടങ്ങിയിട്ടുണ്ട്. അതിനാല് ഉച്ചയ്ക്ക് ഓട്സ് കഴിക്കുന്നത് വണ്ണം കുറയ്ക്കാന് നല്ലതാണ്.
മൂന്ന്...
പഴങ്ങളോ പച്ചക്കറികളോ കൊണ്ടുള്ള സാലഡ് ഉച്ചയ്ക്ക് കഴിക്കുന്നതും വണ്ണം കുറയ്ക്കാന് നല്ലതാണ്.
നാല്...
വയറ് കുറയ്ക്കാനുള്ള ശ്രമത്തിലാണെങ്കില് ഉപ്പുമാവ് അനുയോജ്യമായൊരു ഭക്ഷണം ആണ്. ഫൈബറിനാല് സമ്പന്നമായതിനാലും ഫാറ്റ് കുറഞ്ഞതിനാലുമാണ് ഉപ്പുമാവ് ഇത്തരത്തില് പ്രയോജനപ്പെടുന്നത്.
അഞ്ച്...
നട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ നട്സ് വണ്ണവും കുടവയറും കുറയ്ക്കാന് സഹായിക്കും. നട്സ് പെട്ടെന്ന് വയര് നിറയ്ക്കാന് സഹായിക്കുകയും ചെയ്യും. അതിനാല് ബദാം, വാള്നട്സ്, പിസ്ത തുടങ്ങിയ നട്സുകള് ഉച്ചയ്ക്കും രാത്രിയും കഴിക്കുന്നത് നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: പതിവായി ഡാർക്ക് ചോക്ലേറ്റ് കഴിക്കാറുണ്ടോ? എങ്കില്, നിങ്ങളറിയേണ്ടത്...