കാപ്പിയിലുണ്ട് ഈ ​ഗുണങ്ങൾ, അറിയാം ചിലത്...

കാപ്പി ശാരീരിക ആരോഗ്യത്തിന് മാത്രമല്ല മാനസികാരോ​ഗ്യത്തിനും ​ഗുണം ചെയ്യും. സെറോടോണിൻ, ഡോപാമൈൻ എന്നിവ മാനസികാവസ്ഥ വർദ്ധിപ്പിക്കുകയും വിഷാദരോഗ സാധ്യത കുറയ്ക്കുകയും മൊത്തത്തിലുള്ള മാനസിക വീക്ഷണം വർദ്ധിപ്പിക്കുകയും ചെയ്യും.  

കാപ്പി പ്രിയരാണ് നമ്മളിൽ അധികം പേരും. രാവിലെ എഴുന്നേറ്റ ശേഷം ചൂടോടെ ഒരു കപ്പ് കാപ്പി കുടിക്കുന്നത് പലരുടെയും ശീലമാണ്. ഏകാഗ്രതയും ഊർജസ്വലതയും മെച്ചപ്പെടുത്താൻ കാപ്പി സഹായിക്കും. കാപ്പിയിൽ കഫീൻ  അടങ്ങിയിട്ടുണ്ട്. അത് അഡിനോസിൻ എന്ന ന്യൂറോട്രാൻസ്മിറ്ററിന്റെ റിസപ്റ്ററുകളെ തടയുകയും ക്ഷീണം അകറ്റി ഊർജനില മെച്ചപ്പെടുത്തുകയും ചെയ്യും.

ഒരു കപ്പ് കാപ്പി കുടിക്കുന്നത് ടൈപ്പ് 2 പ്രമേഹ സാധ്യത കുറയ്ക്കുമെന്ന് ബെർലിനിൽ നടന്ന യൂറോപ്യൻ അസോസിയേഷൻ ഫോർ ദി സ്റ്റഡി ഓഫ് ഡയബറ്റിസ് (EASD) വാർഷിക കോൺഫറൻസിൽ ഇൻസ്റ്റിറ്റ്യൂട്ട് ഫോർ സയന്റിഫിക് ഇൻഫർമേഷൻ ഓൺ കോഫി (ISIC) സംഘടിപ്പിച്ച ഗവേഷണത്തിൽ പറയുന്നു. കാപ്പി കുടിക്കുന്നത് ഹൃദ്രോഗം, പക്ഷാഘാതം എന്നിവയ്ക്കുള്ള സാധ്യത കുറയ്ക്കും. ഒരു ദിവസം മൂന്നോ അഞ്ചോ കപ്പ് കാപ്പി കുടിക്കുന്നത് ഹൃദ്രോഗ സാധ്യത 15 ശതമാനം കുറയ്ക്കുമെന്ന് ഒരു പഠനത്തിൽ പറയുന്നു.

ക്ലോറോജെനിക് ആസിഡ് പോലുള്ള ആന്റിഓക്‌സിഡന്റുകളുടെ കലവറയാണ് കാപ്പി. ഈ സംയുക്തങ്ങൾ ഓക്സിഡേറ്റീവ് സമ്മർദ്ദത്തെ ചെറുക്കാനും വീക്കം കുറയ്ക്കാനും മൊത്തത്തിലുള്ള ആരോഗ്യത്തെ പിന്തുണയ്ക്കാനും സഹായിക്കുന്നു.

പാർക്കിൻസൺസ്, അൽഷിമേഴ്‌സ്, ടൈപ്പ് 2 പ്രമേഹം, ചിലതരം കാൻസർ തുടങ്ങിയ ന്യൂറോ ഡിജനറേറ്റീവ് അവസ്ഥകൾ ഉൾപ്പെടെയുള്ള വിവിധ രോഗങ്ങളുടെ സാധ്യത കാപ്പി ഉപഭോഗം കുറയ്ക്കുമെന്ന് പഠനങ്ങൾ സൂചിപ്പിക്കുന്നു. 

കാപ്പി ശാരീരിക ആരോഗ്യത്തിന് മാത്രമല്ല മാനസികാരോ​ഗ്യത്തിനും ​ഗുണം ചെയ്യും. സെറോടോണിൻ, ഡോപാമൈൻ എന്നിവ മാനസികാവസ്ഥ വർദ്ധിപ്പിക്കുകയും വിഷാദരോഗ സാധ്യത കുറയ്ക്കുകയും മൊത്തത്തിലുള്ള മാനസിക വീക്ഷണം വർദ്ധിപ്പിക്കുകയും ചെയ്യും.