വയറിന്റെ ആരോഗ്യത്തിനായി കഴിക്കേണ്ട പ്രീബയോട്ടിക് ഭക്ഷണങ്ങള്...
Synopsis
വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന ഭക്ഷണങ്ങളെ 'പ്രോബയോട്ടിക്സ്' എന്നാണ് വിളിക്കുന്നത്. അതുപോലെ ഇവയെ ഭക്ഷണം നല്കി ശക്തിപ്പെടുത്തി, നിലനിര്ത്തുന്ന ഭക്ഷണങ്ങളെ 'പ്രീബയോട്ടിക്സ്' എന്നും വിളിക്കുന്നു.
വയറിന്റെ ആരോഗ്യം എന്നത് നമ്മള് എന്ത് കഴിക്കുന്നു എന്നതു പോലെയിരിക്കും. വയറില് താമസിക്കുന്ന ലക്ഷണക്കണക്കിനായ സൂക്ഷ്മ ബാക്ടീരിയകള് ദഹനസംവിധാനത്തെ ആരോഗ്യത്തോടെ കാത്തുസൂക്ഷിക്കുന്നു. വയറ്റിനകത്ത് കാണപ്പെടുന്ന നല്ലയിനം ബാക്ടീരിയകളുടെ എണ്ണം വര്ധിപ്പിക്കാന് സഹായിക്കുന്ന ഭക്ഷണങ്ങളെ 'പ്രോബയോട്ടിക്സ്' എന്നാണ് വിളിക്കുന്നത്. അതുപോലെ ഇവയെ ഭക്ഷണം നല്കി ശക്തിപ്പെടുത്തി, നിലനിര്ത്തുന്ന ഭക്ഷണങ്ങളെ 'പ്രീബയോട്ടിക്സ്' എന്നും വിളിക്കുന്നു. ഈ രണ്ട് വിഭാഗത്തില് പെടുന്ന ഭക്ഷണവും പതിവായി ഡയറ്റിലുള്പ്പെടുത്തിയാല് വയറിന്റെ ആരോഗ്യം ഉറപ്പിക്കാമെന്നാണ് വിദഗ്ധര് പറയുന്നത്.
അത്തരത്തില് വയറിന്റെ ആരോഗ്യത്തിനായി ഡയറ്റില് ഉള്പ്പെടുത്തേണ്ട ചില പ്രീബയോട്ടിക് ഭക്ഷണങ്ങളെ പരിചയപ്പെടാം.
ഒന്ന്...
ഗ്രീന് ടീ ആണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിനുകളും ആന്റി ഓക്സിഡന്റുകളും അടങ്ങിയ ഗ്രീന് ടീ പതിവാക്കുന്നത് വയറിന്റെ ആരോഗ്യത്തിന് ഏറെ നല്ലതാണ്.
രണ്ട്...
വെളുത്തുള്ളി ആണ് രണ്ടാമതായി ഈ പട്ടികയില് ഉള്പ്പെടുന്നത്. ഹൃദയാരോഗ്യത്തിനും രോഗപ്രതിരോധ ശക്തി വര്ധിപ്പിക്കാനും ദഹനത്തെ ശക്തിപ്പെടുത്താനും വെളുത്തുള്ളി ഭക്ഷണത്തില് ഉൾപ്പെടുത്തുന്നത് ഗുണം ചെയ്യും. ദഹനസംവിധാനത്തെ ആരോഗ്യത്തോടെ സൂക്ഷിക്കുന്ന സൂക്ഷ്മ ബാക്ടീരിയകളുടെ വളര്ച്ചയ്ക്ക് സഹായിക്കുന്നതാണ് വെളുത്തുള്ളി. അതിനാല് ഇവ പതിവായി ഡയറ്റില് ഉള്പ്പെടുത്താം.
മൂന്ന്...
ഉള്ളിയാണ് അടുത്തതായി ഈ പട്ടികയില് ഉള്പ്പെടുന്നത്. മിക്ക കറികളിലും പ്രധാന ചേരുവയായി നമ്മള് ഉപയോഗിക്കുന്ന ഒന്നാണ് ഉള്ളിയും സവാളയുമൊക്കെ. നമ്മുടെ ശരീരത്തിനാവശ്യമായ തരത്തിലുള്ള ബാക്ടീരിയകളെ നിലനിര്ത്താന് ഉള്ളി സഹായിക്കും. ദഹനപ്രവര്ത്തനങ്ങള് എളുപ്പത്തിലാക്കാനും ഇത് സഹായിക്കും.
നാല്...
ഏറെ ആരോഗ്യ ഗുണങ്ങളുള്ള ഒന്നാണ് ഫ്ളാക്സ് സീഡ് അഥവാ ചണവിത്ത്. ഫൈബര് അടക്കം ധാരാളം പോഷകങ്ങള് അടങ്ങിയ ഫ്ളാക്സ് സീഡ് ഡയറ്റില് ഉള്പ്പെടുത്തുന്നത് ദഹനവ്യവസ്ഥയ്ക്ക് നല്ലതാണ്.
അഞ്ച്...
ബാര്ലിയാണ് അവസാനമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവയും വയറിന്റെ ആരോഗ്യത്തിന് ഏറെ നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: ദഹനം മെച്ചപ്പെടുത്താനും മലബന്ധം അകറ്റാനും കഴിക്കാം ഈ ഭക്ഷണങ്ങള്...