Health Tips: ദിവസവും പ്രാതലിന് പിസ്ത ഉള്പ്പെടുത്തൂ, അറിയാം ഗുണങ്ങള്
Synopsis
വിറ്റാമിനുകളായ എ, ബി, സി, ഇ, കെ, കാത്സ്യം, അയേൺ, സിങ്ക്, പൊട്ടാസ്യം, ഫൈബര്, പ്രോട്ടീന്, ആരോഗ്യകരമായ കൊഴുപ്പ് തുടങ്ങിയവ അടങ്ങിയ നട്സാണ് പിസ്ത.
ഏറെ രുചികരവും ആരോഗ്യകരവുമായ നട്സാണ് പിസ്ത. വിറ്റാമിനുകളായ എ, ബി, സി, ഇ, കെ, കാത്സ്യം, അയേൺ, സിങ്ക്, പൊട്ടാസ്യം, ഫൈബര്, പ്രോട്ടീന്, ആരോഗ്യകരമായ കൊഴുപ്പ് തുടങ്ങിയവ അടങ്ങിയ നട്സാണ് പിസ്ത. ദിവസവും പ്രാതലിന് പിസ്ത ഉള്പ്പെടുത്തുന്നത് ശരീരത്തിന് വേണ്ട ഊര്ജം പകരാന് സഹായിക്കും.
നാരുകളാല് സമ്പന്നമായ പിസ്ത ഡയറ്റില് ഉള്പ്പെടുത്തുന്നത് ദഹനം മെച്ചപ്പെടുത്താനും മലബന്ധത്തെ അകറ്റാനും കുടലിന്റെ ആരോഗ്യം സംരക്ഷിക്കാനും സഹായിക്കും. ഫൈബറും പ്രോട്ടീനും അടങ്ങിയ പിസ്ത വിശപ്പ് കുറയ്ക്കാനും ശരീരഭാരം നിയന്ത്രിക്കാനും ഗുണം ചെയ്യും. ഫൈബര് അടങ്ങിയിരിക്കുന്നതിനാല് രക്തത്തിലെ പഞ്ചസാരയുടെ അളവ് നിയന്ത്രിക്കാനും പിസ്ത കഴിക്കുന്നത് നല്ലതാണ്. കാരണം പിസ്തയ്ക്ക് കുറഞ്ഞ ഗ്ലൈസെമിക് ഇൻഡക്സ് ആണ് ഉള്ളത്.
പിസ്ത പതിവായി കഴിക്കുന്നത് രക്തസമ്മര്ദ്ദം കുറയ്ക്കാനും ചീത്ത കൊളസ്ട്രോളിനെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. പിസ്ത പതിവായി കഴിക്കുന്നത് രോഗപ്രതിരോധശേഷി വര്ധിപ്പിക്കാനും സഹായിക്കും. കണ്ണിന്റെ ആരോഗ്യം നിലനിര്ത്താനും തലച്ചോറിന്റെ ആരോഗ്യത്തിനും ആന്റി ഓക്സിഡന്റുകള് അടങ്ങിയ പിസ്ത കഴിക്കുന്നത് നല്ലതാണ്. ആന്റി ഓക്സിഡന്റുകളും വിറ്റാമിന് ഇയും ധാരാളം അടങ്ങിയ പിസ്ത ചര്മ്മത്തിന്റെ ആരോഗ്യത്തിനും ഗുണം ചെയ്യും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: സോറിയാസിസ് നിയന്ത്രിക്കാൻ ഡയറ്റില് ശ്രദ്ധിക്കേണ്ട കാര്യങ്ങള്