Health Tips: പച്ച പപ്പായ ജ്യൂസ് കുടിക്കുന്നത് കൊണ്ടുള്ള ആരോഗ്യ ഗുണങ്ങൾ
Synopsis
വിറ്റാമിനുകളായ എ, സി, ബി, ഇ, പൊട്ടാസ്യം, ഫൈബർ, മഗ്നീഷ്യം, ഫോളേറ്റ് തുടങ്ങിയവ അടങ്ങിയതാണ് പച്ച പപ്പായ.
വിറ്റാമിനുകളായ എ, സി, ബി, ഇ, പൊട്ടാസ്യം, ഫൈബർ, മഗ്നീഷ്യം, ഫോളേറ്റ് തുടങ്ങിയവ അടങ്ങിയതാണ് പച്ച പപ്പായ. പച്ച പപ്പായ ജ്യൂസ് കുടിക്കുന്നത് കൊണ്ടുള്ള ആരോഗ്യ ഗുണങ്ങൾ എന്തൊക്കെയാണെന്ന് നോക്കാം.
1. ദഹനം
നാരുകളാല് സമ്പന്നമായ പച്ച പപ്പായ ജ്യൂസ് കുടിക്കുന്നത് ദഹനം മെച്ചപ്പെടുത്താനും മലബന്ധത്തെ തടയാനും സഹായിക്കും. കൂടാതെ ഗ്യാസ് കയറി വയറു വീര്ത്തിരിക്കുന്ന അവസ്ഥയെ തടയാനും കുടലിന്റെ ആരോഗ്യം സംരക്ഷിക്കാനും ഇവ സഹായിക്കും. പപ്പായയില് അടങ്ങിയിരിക്കുന്ന പപ്പൈന് എന്ന എന്സൈം ആണ് ഇതിന് സഹായിക്കുന്നത്.
2. ചര്മ്മം
വിറ്റാമിന് സി, ഇ, ആന്റി ഓക്സിഡന്റുകള് തുടങ്ങിയവ ധാരാളം അടങ്ങിയ പച്ച പപ്പായ ജ്യൂസ് കുടിക്കുന്നത് കൊളാജന് ഉല്പാദിപ്പിക്കാനും ചര്മ്മത്തിന്റെ ആരോഗ്യം സംരക്ഷിക്കാനും സഹായിക്കും.
3. വണ്ണം കുറയ്ക്കാന്
ഫൈബര് ധാരാളം അടങ്ങിയ പച്ച പപ്പായ ജ്യൂസ് ഡയറ്റില് ഉള്പ്പെടുത്തുന്നത് വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും. ഇവയില് കലോറിയും വളരെ കുറവുമാണ്.
4. രോഗ പ്രതിരോധശേഷി
വിറ്റാമിന് സി, എ, മറ്റ് ആന്റി ഓക്സിഡന്റുകളും അടങ്ങിയ പച്ച പപ്പായ ജ്യൂസ് കുടിക്കുന്നത് രോഗ പ്രതിരോധശേഷി കൂട്ടാനും സഹായിക്കും.
5. കണ്ണുകളുടെ ആരോഗ്യം
വിറ്റാമിന് എ അടങ്ങിയ പച്ച പപ്പായ ജ്യൂസ് കുടിക്കുന്നത് കണ്ണുകളുടെ ആരോഗ്യം സംരക്ഷിക്കാനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: കരളിന്റെ ആരോഗ്യത്തിനായി ഡയറ്റില് ഉള്പ്പെടുത്തേണ്ട നട്സും ഡ്രൈ ഫ്രൂട്ട്സും