തട്ടുകട സ്റ്റൈൽ മുട്ട ബജ്ജി വീട്ടില്‍ തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് വിനോദ് രാമകൃഷ്ണൻ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

തട്ടുകട സ്റ്റൈൽ മുട്ട ബജ്ജി വീട്ടില്‍ തയ്യാറാക്കിയാലോ?

വേണ്ട ചേരുവകൾ

പുഴുങ്ങിയ മുട്ട - അഞ്ചെണ്ണം

കടലമാവ് - ഒരു കപ്പ്

ഉപ്പ് - ഒരു സ്പൂൺ

മഞ്ഞൾപൊടി - 1/2 സ്പൂൺ

മുളകുപൊടി - ഒരു സ്പൂൺ

കായപ്പൊടി - അര സ്പൂൺ

എണ്ണ - അര ലിറ്റർ

തയ്യാറാക്കുന്ന വിധം

കടലമാവിലേയ്ക്ക് ആവശ്യത്തിന് മഞ്ഞൾപൊടി, മുളകുപൊടി, കായപ്പൊടി, ഉപ്പ് വെള്ളം എന്നിവ ചേർത്ത് നല്ലതുപോലെ ഒന്ന് കുഴച്ചെടുത്തതിനു ശേഷം പുഴുങ്ങി വെച്ചിട്ടുള്ള മുട്ട അതിലേക്ക് മുക്കി എണ്ണയിലേക്കിട്ട് വറുത്തെടുത്താൽ മതി. ഇതോടെ മുട്ട ബജ്ജി റെഡി.