ടേസ്റ്റി മാംഗോ മില്‍ക്ക് ഷേക്ക് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം മാമ്പഴ വിഭവങ്ങള്‍ അഥവാ മാംഗോ ഫെസ്റ്റ് റെസിപ്പികള്‍. ഇന്ന് ബിൻസി ലെനിൻ തയ്യാറാക്കിയ പാചകക്കുറിപ്പ്.  

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വേണ്ട ചേരുവകൾ

നല്ല പഴുത്ത മാങ്ങ - 2 എണ്ണം (ഒരു കപ്പ് )
തണുത്ത പാൽ - 1 കപ്പ് 
പഞ്ചസാര - 5 ടേബിൾസ്പൂൺ 
ഐസ്‌ക്യൂബ്സ് - 5-6 എണ്ണം 
ബദാം, കശുവണ്ടി, പിസ്ത - ചെറുതായി മുറിച്ചത് ആവശ്യത്തിന്
ട്യൂട്ടി ഫ്രൂട്ടി- ആവശ്യത്തിന്

തയ്യാറാക്കുന്ന വിധം

മാങ്ങ തൊലി ചെത്തി ചെറിയ കഷ്ണങ്ങളാക്കി  മുറിച്ചെടുക്കുക. ഇനി ഒരു മിക്സി ജാറിലേയ്ക്ക് മാങ്ങ കഷ്ണങ്ങൾ, പഞ്ചസാര, ഐസ് ക്യൂബ്സ് , തണുത്ത പാൽ എന്നിവ ചേർത്ത് നന്നായി അടിച്ചെടുക്കുക.  അടിച്ചെടുത്ത ഷേക്ക് സെർവിങ് ഗ്ലാസിൽ ഒഴിക്കുക.  ഇനി ഷേക്കിനു മുകളിലായി ചെറുതായി മുറിച്ചെടുത്ത ബദാം, കശുവണ്ടി, പിസ്ത, കുറച്ചു ട്യൂട്ടി ഫ്രൂട്ടി എന്നിവ ചേര്‍ത്ത് കൊടുക്കുക. ഇതോടെ നല്ല ടേസ്റ്റി മാംഗോ മില്‍ക്ക് ഷേക്ക് റെഡി.