പ്രമേഹത്തെ നിയന്ത്രിക്കാന് ഡയറ്റില് ഉള്പ്പെടുത്താം ഈ പഴം...
Synopsis
ഒരു മാതളത്തിൽ 7 ഗ്രാം ഫൈബർ ഉണ്ട്. കൂടാതെ ആന്റി ഓക്സിഡന്റുകളും പ്രതിരോധശക്തിയേകുന്ന വിറ്റാമിൻ സിയും ഇവയില് അടങ്ങിയിരിക്കുന്നു. അതിനാല് പ്രമേഹരോഗികള്ക്ക് മാതളം കഴിക്കുന്നത് ഏറെ നല്ലതാണ്. വിറ്റാമിൻ സി, കെ, ബി, ഇ തുടങ്ങി നിരവധി പോഷകങ്ങളടങ്ങിയ ഉത്തമ ഫലം കൂടിയാണ് മാതളം.
രക്തത്തിലെ പഞ്ചസാരയുടെ അളവ് ക്രമാതീതമായി ഉയരുന്ന അവസ്ഥയാണ് പ്രമേഹം. ഭക്ഷണം, ഉറക്കം, ചിട്ടയായ വ്യായാമം, മരുന്നുകള്, ആരോഗ്യകരമായ മാനസികാവസ്ഥ തുടങ്ങി പല കാര്യങ്ങളും പ്രമേഹ രോഗികള് ശ്രദ്ധിക്കേണ്ടതുണ്ട്. പ്രമേഹം നിയന്ത്രിക്കുന്നതിൽ ഭക്ഷണത്തിന് വലിയ പങ്കുണ്ട്. പ്രമേഹ രോഗികള് അന്നജം കുറഞ്ഞ, ഗ്ലൈസെമിക് ഇൻഡക്സ് കുറഞ്ഞ ഭക്ഷണങ്ങള് തന്നെ തെരഞ്ഞെടുക്കുകയും വേണം.
അത്തരത്തില് പ്രമേഹ രോഗികള്ക്ക് ഡയറ്റില് ഉള്പ്പെടുത്താവുന്ന ഒരു പഴമാണ് മാതളം. ഒരു മാതളത്തിൽ 7 ഗ്രാം ഫൈബർ ഉണ്ട്. കൂടാതെ ആന്റി ഓക്സിഡന്റുകളും പ്രതിരോധശക്തിയേകുന്ന വിറ്റാമിൻ സിയും ഇവയില് അടങ്ങിയിരിക്കുന്നു. അതിനാല് പ്രമേഹരോഗികള്ക്ക് മാതളം കഴിക്കുന്നത് ഏറെ നല്ലതാണ്. വിറ്റാമിൻ സി, കെ, ബി, ഇ തുടങ്ങി നിരവധി പോഷകങ്ങളടങ്ങിയ ഉത്തമ ഫലം കൂടിയാണ് മാതളം. കൂടാതെ കാത്സ്യം, മഗ്നീഷ്യം, പൊട്ടാസ്യം, ഫോളേറ്റ് തുടങ്ങിയവയും മാതളത്തില് അടങ്ങിയിട്ടുണ്ട്.
കൊളസ്ട്രോളിനെ നിയന്ത്രിക്കാന് മാതളം കഴിക്കുന്നത് നല്ലതാണ്. മാതള നാരങ്ങയില് അടങ്ങിയിട്ടുള്ള നൈട്രിക് ആസിഡ് ധമനികളില് അടിഞ്ഞു കൂടിയിട്ടുള്ള കൊഴുപ്പും മറ്റും നീക്കുന്നതിന് സഹായിക്കുന്നു. 90 ശതമാനത്തിലധികം കൊഴുപ്പും കൊളസ്ട്രോളും മാതള നാരങ്ങ ഇല്ലാതാക്കും. ആന്റി ഓക്സിഡന്റുകള് ധാരാളം അടങ്ങിയ മാതളം ഉയര്ന്ന രക്തസമ്മര്ദ്ദത്തെ നിയന്ത്രിക്കാനും ഹൃദയത്തിന്റെ ആരോഗ്യം മെച്ചപ്പെടുത്താനും സഹായിക്കും. ഫൈബര് ധാരാളം അടങ്ങിയ മാതളം ദഹനം മെച്ചപ്പെടുത്താനും സഹായിക്കും. . 100 ഗ്രാം മാതള നാരങ്ങാ വിത്തില് 83 കലോറിയാണ് ഉള്ളത്. അതിനാല് വണ്ണം കുറയ്ക്കാന് ആഗ്രഹിക്കുന്നവര്ക്കും മാതളം ഡയറ്റില് ഉള്പ്പെടുത്താം. ചർമ്മം കൂടുതൽ തിളക്കമുള്ളതാക്കാനും മാതളം കഴിക്കുന്നത് നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: ഗ്യാസ് മൂലം വയര് വീര്ത്തിരിക്കുന്നോ? ഡയറ്റില് ഉള്പ്പെടുത്താം ഈ പത്ത് ഭക്ഷണങ്ങള്...