ബാംഗ്ലൂരുവിലെ ഒരു റെസ്റ്റോറന്‍റില്‍ വില്‍ക്കുന്ന വിഭവങ്ങളുടെ പേരുകളാണ് ട്വിറ്ററില്‍ വൈറലായത്. ആവി എന്ന ട്വിറ്റര്‍ ഉപയോക്താവാണ് ഈ വ്യത്യസ്തമായ മെനു ട്വിറ്ററിലൂടെ പങ്കുവച്ചത്.
വൈവിധ്യമാര്‍ന്ന വിഭവങ്ങള്‍ (Food) കൊണ്ട് സമ്പന്നമാണ് നമ്മുടെ രാജ്യം. വിഭവങ്ങളുടെ പേരിലും (names) കാണാം ഈ വൈവിധ്യം. ചില വിഭവങ്ങള്‍ക്ക് ഓരോ നാട്ടിലും ഓരോ പേരുകളാണ്. ഇപ്പോഴിതാ അത്തരത്തില്‍ വ്യത്യസ്തമായ പേരുകളുള്ള ഒരു മെനുവാണ് (menu) സോഷ്യല്‍ മീഡിയയില്‍ (social media) വൈറലാകുന്നത്.
ബാംഗ്ലൂരുവിലെ ഒരു റെസ്റ്റോറന്‍റില്‍ വില്‍ക്കുന്ന വിഭവങ്ങളുടെ പേരുകളാണ് ട്വിറ്ററില്‍ വൈറലായത്. ആവി എന്ന ട്വിറ്റര്‍ ഉപയോക്താവാണ് ഈ വ്യത്യസ്തമായ മെനു ട്വിറ്ററിലൂടെ പങ്കുവച്ചത്. ക്രിപ്‌റ്റോ ചായ് ബൈ വൂഷ് എന്നാണ് ഈ റെസ്റ്റോറന്‍റിന്‍റെ പേര്.
ഈ റെസ്റ്റോറന്‍റിലെ മെനുവിന്‍റെ ചിത്രമാണ് ആവി ട്വീറ്റ് ചെയ്തത്. 'സ്യൂഡോണിമസ് ബിറ്റ്‌കോയിന്‍ ഒണിയന്‍ പാറ്റി സമൂസ', 'ബ്ലോക്ക് ചെയ്ന്‍ ലെഡ്ജര്‍ പഞ്ചാബി സമൂസ', 'ഹാര്‍ഡ് ഫോര്‍ക്ക് പനീര്‍ ടിക്ക സമൂസ' എന്നിങ്ങനെയാണ് മെനുവിലുള്ള വിഭവങ്ങളുടെ പേരുകള്‍.
Is Bangalore OK? pic.twitter.com/sx66iZRru8
— Aavi (@poisonaavi)
പലതും വായിക്കാന്‍ തന്നെ ബുദ്ധിമുട്ടുള്ള പേരുകളായിരുന്നു. 19,000-ല്‍ പരം ലൈക്കുകളും നൂറുകണക്കിന് റീട്വീറ്റുകളുമാണ് ആവിയുടെ പോസ്റ്റിന് ലഭിച്ചത്. ഇത് എന്തൊരു മെനുവാണെന്നും ഇത്തരമൊരു മെനു അപൂര്‍വമാണെന്നും പലരും അഭിപ്രായപ്പെട്ടു.
Also Read: ഒരു കിലോ ചായപ്പൊടിക്ക് ഒരു ലക്ഷം രൂപ !