തലമുടി വളരാന് കഴിക്കാം വിറ്റാമിന് ബി അടങ്ങിയ ഭക്ഷണങ്ങള്...
Synopsis
തലമുടിയുടെ ആരോഗ്യത്തിനായി ഭക്ഷണത്തിന്റെ കാര്യത്തില് പ്രത്യേകം ശ്രദ്ധ വേണം. തലമുടി വളരാന് കഴിക്കേണ്ട ഒന്നാണ് വിറ്റാമിന് ബി അടങ്ങിയ ഭക്ഷണങ്ങള്.
തലമുടി കൊഴിച്ചിലാണ് ഇന്ന് പലരും നേരിടുന്ന ഒരു പ്രശ്നം. തലമുടിയുടെ ആരോഗ്യത്തിനായി ഭക്ഷണത്തിന്റെ കാര്യത്തില് പ്രത്യേകം ശ്രദ്ധ വേണം. തലമുടി വളരാന് കഴിക്കേണ്ട ഒന്നാണ് വിറ്റാമിന് ബി അടങ്ങിയ ഭക്ഷണങ്ങള്.
തലമുടിയുടെ വളര്ച്ചയ്ക്ക് സഹായിക്കുന്ന വിറ്റാമിന് ബി അടങ്ങിയ ചില ഭക്ഷണങ്ങളെ പരിചയപ്പെടാം...
ഒന്ന്...
ചീരയാണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിനുകളുടെ കലവറയാണ് ചീര. വിറ്റാമിന് എ, ബി, സി, ഇ, പൊട്ടാസ്യം, കാത്സ്യം, ഫോളേറ്റ് തുടങ്ങിയവ അടങ്ങിയ ചീര ഡയറ്റില് ഉള്പ്പെടുത്തുന്നത് തലമുടിയുടെ ആരോഗ്യത്തിന് ഏറെ നല്ലതാണ്.
രണ്ട്...
മുട്ടയാണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് ബി ധാരാളം അടങ്ങിയതാണ് മുട്ട. തലമുടിയുടെ വളർച്ചയ്ക്ക് സഹായകമായ ബയോട്ടിൻ, സിങ്ക്, ഫോളേറ്റ് എന്നിവയും മുട്ടയില് ധാരാളമായി അടങ്ങിയിട്ടുണ്ട്. അതിനാല് മുട്ട പതിവായി കഴിക്കുന്നത് തലമുടി വളരാന് സഹായിക്കും.
മൂന്ന്...
അവക്കാഡോ ആണ് അടുത്തതായി ഈ പട്ടികയില് ഉള്പ്പെടുന്നത്. ബയോട്ടിന് അടങ്ങിയ ഇവയും തലമുടിയുടെ ആരോഗ്യത്തിന് ഏറെ ഗുണം ചെയ്യും.
നാല്...
ബീന്സ് ആണ് നാലാമതായി ഈ പട്ടികയില് ഉള്പ്പെടുന്നത്. വിറ്റാമിനുകള് അടങ്ങിയ ഇവ കഴിക്കുന്നതും തലമുടിയുടെ ആരോഗ്യത്തിന് നല്ലതാണ്.
അഞ്ച്...
സാല്മണ് ഫിഷ് ആണ് അടുത്തതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ ഡയറ്റില് ഉള്പ്പെടുത്തുന്നത് തലമുടിയുടെ ആരോഗ്യത്തിന് നല്ലതാണ്.
ആറ്...
ഓറഞ്ചാണ് ആറാമതായി ഈ പട്ടികയില് ഉള്പ്പെടുന്നത്. തലമുടിയുടെ ആരോഗ്യത്തിനു വേണ്ട വിറ്റാമിന് ബി, സി, ഫോളേറ്റ് തുടങ്ങിയവ ഇവയില് ധാരാളം അടങ്ങിയിട്ടുണ്ട്. അതിനാല് ഓറഞ്ച് കഴിക്കുന്നത് തലമുടിയുടെ ആരോഗ്യത്തിന് ഏറെ ഗുണം ചെയ്യും.
ഏഴ്...
നട്സാണ് അവസാനമായി ഈ പട്ടികയില് ഉള്പ്പെടുന്നത്. ബദാമും മറ്റിലും വിറ്റാമിന് ബി അടങ്ങിയവയാണ്. അതിനാല് ഇവ ഡയറ്റില് ഉള്പ്പെടുത്തുന്നതും തലമുടിയുടെ വളര്ച്ചയ്ക്ക് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also read: ലോലോലിക്ക കഴിക്കാന് ഇഷ്ടമാണോ? അറിയാം ഇക്കാര്യങ്ങള്...