Health Tips: വയറിലെ കൊഴുപ്പാണോ പ്രശ്നം? വയറു നിറയ്ക്കാന് കഴിക്കേണ്ട ഭക്ഷണങ്ങള്
Synopsis
വയറിലെ കൊഴുപ്പിനെ പുറംതള്ളാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
അടിവയറ്റിലെ കൊഴുപ്പ് കുറയ്ക്കാന് ആരോഗ്യകരമായ ഭക്ഷണശീലം പിന്തുടരേണ്ടത് പ്രധാനമാണ്. വയറിലെ കൊഴുപ്പിനെ പുറംതള്ളാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
1. മധുരക്കിഴങ്ങ്
നാരുകള് അടങ്ങിയ മധുരക്കിഴങ്ങ് ഡയറ്റില് ഉള്പ്പെടുത്തുന്നത് ബ്ലഡ് ഷുഗര് കുറയ്ക്കാനും അടിവയറ്റിലെ കൊഴുപ്പ് കുറയ്ക്കാനും സഹായിക്കും.
2. ബെറിപ്പഴങ്ങള്
നാരുകളും ആന്റിഓക്സിഡന്റുകളും അടങ്ങിയ ബെറി പഴങ്ങള് കഴിക്കുന്നതും വയറു നിറയ്ക്കാനും ശരീരഭാരം നിയന്ത്രിക്കാന് സഹായിക്കും.
3. ഓട്സ്
ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. കൂടാതെ ഇവയില് വിറ്റാമിനുകളും മിനറലുകളും പ്രോട്ടീനും ധാരാളം അടങ്ങിയിട്ടുണ്ട്. അതിനാല് ഓട്സ് കഴിക്കുന്നത് വണ്ണം കുറയ്ക്കാനും വയര് കുറയ്ക്കാനും നല്ലതാണ്.
4. തൈര്
പ്രോട്ടീന് കുറഞ്ഞ തൈര് വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താം. ഇവ ശരീരത്തിൽ അടിഞ്ഞ് കിടക്കുന്ന കൊഴുപ്പ് കുറയ്ക്കാൻ സഹായിക്കുന്നു. നൂറ് ഗ്രാം തൈരിൽ 56 കലോറി മാത്രമാണ് അടങ്ങിയിട്ടുള്ളത്.
5. പയറുവര്ഗങ്ങള്
പ്രോട്ടീനും ഫൈബറും അടങ്ങിയ പയറുവര്ഗങ്ങള് ഡയറ്റില് ഉള്പ്പെടുത്തുന്നത് വിശപ്പ് കുറയ്ക്കാനും വയറിലെ കൊഴുപ്പിനെ പുറംതള്ളാനും ശരീര ഭാരം കുറയ്ക്കാനും സഹായിക്കും.
6. ആപ്പിള്
ഫൈബര് ധാരാളം അടങ്ങിയ ആപ്പിള് ഡയറ്റില് ഉള്പ്പെടുത്തുന്നത് വയറിലെ കൊഴുപ്പിനെ പുറംതള്ളാന് സഹായിക്കും.
7. നട്സ്
ഫൈബര് ധാരാളം അടങ്ങിയ നട്സ് പെട്ടെന്ന് വയര് നിറയ്ക്കാന് സഹായിക്കുകയും വണ്ണവും കുടവയറും കുറയ്ക്കാന് സഹായിക്കുകയും ചെയ്യും. അതിനാല് ബദാം, വാള്നട്സ്, പിസ്ത തുടങ്ങിയ നട്സുകള് ഡയറ്റില് ഉള്പ്പെടുത്താം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.