സ്ത്രീകള് ഡയറ്റില് കറുവപ്പട്ട ഉള്പ്പെടുത്തൂ, അറിയാം ഗുണങ്ങള്
Synopsis
കറുവാപ്പട്ട കൊളസ്ട്രോളിന്റെ അളവ് കുറയ്ക്കുമെന്നും ഹൃദ്രോഗ സാധ്യത കുറയ്ക്കുമെന്നും കണ്ടെത്തിയിട്ടുണ്ട്. കറുവപ്പട്ട വെള്ളം പതിവായി കുടിക്കുന്നത് ഹൃദയാരോഗ്യം മെച്ചപ്പെടുത്താന് സഹായിക്കും. തലച്ചോറിന്റെ ആരോഗ്യത്തിനും ഇവ ഗുണം ചെയ്യും.
ആന്റി ഇന്ഫ്ലമേറ്ററി, ആന്റി ഓക്സിഡന്റ്, ആന്റി മൈക്രോബിയല് ഗുണങ്ങള് അടങ്ങിയ ഒരു സുഗന്ധവ്യഞ്ജനമാണ് കറുവപ്പട്ട. അതിനാല് ഇവ സ്ത്രീകള് ഡയറ്റില് ഉള്പ്പെടുത്തുന്നത് ആര്ത്തവ സമയത്തെ വേദനയെ കുറയ്ക്കാനും ഹോര്മോണ് മാറ്റങ്ങളെ നിയന്ത്രിക്കാനും സഹായിക്കും.
ആന്റി ഓക്സിഡന്റുകള് ധാരാളം അടങ്ങിയ കറുവപ്പട്ട രോഗ പ്രതിരോധശേഷി കൂട്ടാനും സഹായിക്കും. ആന്റി ബാക്ടീരിയല്, ആന്റി ഫംഗല് ഗുണങ്ങള് അടങ്ങിയ കറുവപ്പട്ട ഡയറ്റില് ഉള്പ്പെടുത്തുന്നത് ചര്മ്മത്തിന്റെ ആരോഗ്യത്തിനും തലമുടിയുടെ ആരോഗ്യത്തിനും നല്ലതാണ്. കറുവപ്പട്ട ഡയറ്റില് ഉള്പ്പെടുത്തുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാനും ഗുണം ചെയ്യും. കറുവാപ്പട്ട കൊളസ്ട്രോളിന്റെ അളവ് കുറയ്ക്കുമെന്നും ഹൃദ്രോഗ സാധ്യത കുറയ്ക്കുമെന്നും കണ്ടെത്തിയിട്ടുണ്ട്. കറുവപ്പട്ട വെള്ളം പതിവായി കുടിക്കുന്നത് ഹൃദയാരോഗ്യം മെച്ചപ്പെടുത്താന് സഹായിക്കും. തലച്ചോറിന്റെ ആരോഗ്യത്തിനും ഇവ ഗുണം ചെയ്യും.
കറുവപ്പട്ടയിട്ട വെള്ളം പതിവായി കുടിക്കുന്നത് ദഹനം മെച്ചപ്പെടുത്താനും വയര് വീര്ത്തിരിക്കുന്ന അവസ്ഥയെ നിയന്ത്രിക്കാനും ഗ്യാസ്, ദഹനക്കേട് എന്നിവയെ തടയാനും സഹായിക്കും. ശരീര ഭാരം നിയന്ത്രിക്കാന് ആഗ്രഹിക്കുന്നവര്ക്കും കറുവപ്പട്ട ഭക്ഷണത്തില് ഉള്പ്പെടുത്താം. കറുവപ്പട്ട വെള്ളം കുടിക്കുന്നത് വിശപ്പ് കുറയ്ക്കാനും വയറിലെ കൊഴുപ്പിനെ പുറംന്തള്ളാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ശരീരഭാരം കുറയ്ക്കാൻ നിങ്ങളെ സഹായിക്കുന്ന 10 ഭക്ഷണങ്ങൾ