World Obesity Day 2025: അമിത വണ്ണം കുറയ്ക്കാന് ശ്രദ്ധിക്കേണ്ട എട്ട് കാര്യങ്ങള്
Synopsis
വണ്ണം കുറയ്ക്കാനായി ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പടുത്തുകയാണ് വേണ്ടത്. വണ്ണം കുറയ്ക്കാന് ആഗ്രഹിക്കുന്നവര് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
2050 ആകുമ്പോഴേക്കും ഇന്ത്യയില് 44 കോടിയിലധികം പേര് അമിതവണ്ണമുള്ളവരായിരിക്കും എന്നാണ് ദ ലാന്സെറ്റ് ജേര്ണലില് പ്രസിദ്ധീകരിച്ച പഠനം പറയുന്നത്. വണ്ണം കുറയ്ക്കാനായി ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പടുത്തുകയാണ് വേണ്ടത്. വണ്ണം കുറയ്ക്കാന് ആഗ്രഹിക്കുന്നവര് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
1. പ്രഭാത ഭക്ഷണം ഒഴിവാക്കരുത്
വണ്ണം കുറയ്ക്കാന് ആഗ്രഹിക്കുന്നവര് പ്രഭാത ഭക്ഷണം ഒഴിവാക്കാറുണ്ട്. അങ്ങനെ ചെയ്യരുത്. ഇത് വിശപ്പ് ശരീരഭാരം കൂടാനും കാരണമാകും. ഒരു ദിവസത്തെ ഊര്ജം ലഭിക്കാന് പ്രഭാത ഭക്ഷണം കൃത്യ സയത്ത് കഴിക്കണം. ഭക്ഷണം ഒഴിവാക്കുന്നത് ശരീരത്തിന്റെ മൊത്തം ആരോഗ്യത്തെ ബാധിക്കും. അതിനാല് മിതമായ അളവില് കുറഞ്ഞത് മൂന്ന് നേരം എങ്കിലും ഭക്ഷണം കഴിക്കണം.
2. പ്രോട്ടീന്
രാവിലെ പ്രോട്ടീന് ധാരാളം അടങ്ങിയ ഭക്ഷണങ്ങള് കഴിക്കുക. പ്രോട്ടീന് അടങ്ങിയ ഭക്ഷണങ്ങള് കഴിക്കുന്നത് വിശപ്പ് നിയന്ത്രിക്കാനും കലോറി അടങ്ങിയ ഭക്ഷണത്തെ കുറയ്ക്കാനും സഹായിക്കും. അതുവഴി ശരീരഭാരം നിയന്ത്രിക്കാം.
3. ഫൈബര്
ഫൈബര് ധാരാളം അടങ്ങുന്ന ഭക്ഷണങ്ങള് കഴിക്കുന്നതും വിശപ്പിനെ നിയന്ത്രിക്കാന് സഹായിക്കും. അതുവഴി വണ്ണം കുറയ്ക്കാം.
4. ജങ്ക് ഫുഡ്, എണ്ണയില് വറുത്ത ഭക്ഷണങ്ങള് എന്നിവ ഒഴിവാക്കുക
ജങ്ക് ഫുഡ്, എണ്ണയില് വറുത്തതും പൊരിച്ചതുമായ ഭക്ഷണങ്ങളും ഒഴിവാക്കുക. പകരം പഴങ്ങളും പച്ചക്കറികളും ധാന്യങ്ങളും കഴിക്കുക.
5. കുറഞ്ഞ കലോറി
വണ്ണം കുറയ്ക്കാന് ആഗ്രഹിക്കുന്നവര് കഴിക്കുന്ന ഭക്ഷണത്തിന്റെ കലോറി അറിഞ്ഞിരിക്കണം. ഒരു ദിവസം നിങ്ങള്ക്ക് വേണ്ട കലോറി എത്രയാണെന്നും ഏതൊക്കെ ഭക്ഷണങ്ങളില് നിന്നും അവ ലഭിക്കുമെന്നും അറിഞ്ഞിരിക്കണം.
6. മിതമായ അളവില് മാത്രം ഭക്ഷണം കഴിക്കുക
മിതമായ അളവില് മാത്രം ഭക്ഷണം കഴിക്കുന്നത് ശീലമാക്കുക. ഇത് വണ്ണം കുറയ്ക്കാന് സഹായിക്കും. നല്ല വിശക്കുന്നത് വരെ കാത്തിരിക്കാതെ കൃത്യസമയത്ത് ഭക്ഷണം കഴിക്കുക. നല്ല വിശന്നാല് അമിതമായി ഭക്ഷണം കഴിക്കാനുള്ള സാധ്യതയുണ്ട്. അതുപോലെ ഭക്ഷണം നന്നായി ചവച്ചരച്ച് കഴിക്കുക. വളരെ വേഗത്തില് ഭക്ഷണം കഴിക്കാതെ, സാവധാനം ചവച്ചരച്ച് കഴിക്കുന്നത് അമിതമായി ഭക്ഷണം കഴിക്കുന്നതിനെ തടയും. അതുവഴി വണ്ണം കുറയ്ക്കാനും സാധിക്കും.
7. വെള്ളം
ദിവസവും ധാരാളം വെള്ളം കുടിക്കുക. വെള്ളം കുടിക്കുന്നത് വിശപ്പ് കുറയ്ക്കാന് സഹായിക്കും. അതുവഴി വണ്ണം കുറയ്ക്കാം. കൂടാതെ ശരീരത്തിന്റെ മൊത്തം ആരോഗ്യത്തിനും വെള്ളം കുടിക്കുന്നത് നല്ലതാണ്.
8. വ്യായാമം
ഒരു വ്യായാമവുമില്ലാതെ വണ്ണം കുറയ്ക്കാന് സാധിക്കില്ല. അതിനാല് ഡയറ്റിനോടൊപ്പം ദിവസവും ഒരു മണിക്കൂര് എങ്കിലും വ്യായാമം ചെയ്യണം.
Also read: ഉണക്ക അത്തിപ്പഴം കുതിര്ത്ത് വച്ച വെള്ളം കുടിക്കൂ; അറിയാം ഗുണങ്ങള്